Хроника

Возач-почетник фатен со 211 км/ч на автопатот Скопје–Тетово

Млади, брзи и бесни

1 минута за читање

Полициски службеници денеска лишиле од слобода возач-почетник кој управувал возило со брзина од 211 километри на час, соопшти Министерството за внатрешни работи.

Како што се наведува, во 16:21 часот на автопатот Скопје–Тетово, кај клучката Кондово, полициските службеници од Мобилната единица за безбедност на сообраќајот на патиштата при Секторот за сообраќајни работи на МВР го лишиле од слобода возачот-почетник кој управувал со патничко возило „Фолксваген Артеон“ со скопски регистарски ознаки.

Сообраќајната контрола извршена со радар покажала дека 18-годишниот И.А. возел со брзина далеку над дозволените 100 километри на час за возачи-почетници на автопат.

Поради стореното кривично дело, возилото е привремено одземено, а возачот е лишени од слобода и задржан во полициска станица за понатамошна постапка.

Поврзани теми:

211 км на час|артеон|мвр|фолксваген|возач почетник

Повеќе на оваа тема:

Најнови вести од: Хроника

Гевгелискиот суд пресуди 18 години затвор за дојранецот, кој го претепа до смрт својот пријател

Основниот суд во Гевгелија му изрече казна затвор од 18 години на 56-годишниот Васил Режак од дојранското село Сретеново, кој беше прогласен за виновен за кривичното дело „убиство на свиреп начин“. Станува збор за првостепена пресуда, а обвинетиот ќе остане во притвор до нејзината правосилност.

По невремето во скопски Карпош покрај повредената жена (86) пронајдена и експлозивна направа!

МВР информира дека синоќа во 20:25 часот во СВР Скопје било пријавено дека на подрачјето на Карпош паднало дрво и со тешка телесна повреда се здобила К.М.(86) од Скопје, по што била пренесена во Јавна здравствена установа „Св.Наум Охридски” за укажување на лекарска помош.

Обвинителството: Отворена истрага за загадувањето на водата во Гостивар, побаран притвор за тројца осомничени

За трите лица вработени на одговорни функции во ЈП „Комуналец“, осомничени за загадување на водата во гостиварскиот водовод, ќе се бара притвор, а во зависност од новите докази, истрагата ќе се прошири. Пред судијата на претходна постапка осомничените од 12 часот даваат искази по што ќе биде познато дали ќе им бидат определени мерки за обезбедување.

Во туѓо име подигнувал надомест за невработени

Надворешната канцеларија за криминалистички работи Делчево поднесе кривична пријава против Ј.К.(52) од Саса,  Македонска Каменица, поради постоење основани сомнежи за сторено кривично дело „измама при добивање кредит или друга погодност” и против Б.К.(57) од Кочани за „поттикнување” во врска со „измама при добивање кредит или друга погодност”.

Жител (40) од Пробиштип подолго време им се заканувал на три жени и со употреба на електрошокови им изнудил 1800 евра!

Надворешната канцеларија за криминалистички работи Пробиштип поднесе кривична пријава против 40-годишен жител на Пробиштип, поради сомнение дека сторил кривично дело „изнуда“, соопшти Министерството за внатрешни работи.
Сите вести од Хроника

Најнови вести

To top