Силниот ветер и високите бранови предизвикаа голема материјална штета на охридското крајбрежје. Во Љубаништа, повеќе од 30 пловни објекти биле откорнати од своите места и исфрлени на брегот.
Како што се гледа на видеата објавени од „ОхридСкај“, чамците и другите пловни објекти се насукани на песокот, додека дел од нив се превртени поради силниот ветер и високите бранови.
Последиците од невремето се видливи и во Трпејца, каде што силните бранови целосно ја покриле плажата и стигнале сè до првиот ред куќи покрај брегот, оставајќи драматични сцени.