Коалицијата ВРЕДИ се пофали дека „за прв пат во историјата на албанската дијаспора во Германија, во главниот град на Европа, Берлин, официјално е отворена паралелка за изучување на албанскиот јазик на децата од нашата дијаспора. Историски момент кој не е само добра вест, туку и камен-темелник за зачувување на националниот идентитет и албанскиот дух во дијаспората“.
Од ВРЕДИ велат дека вели дека ова достигнување доаѓа благодарение на непоколебливата посветеност на заменик-министерот за образование и наука, Лулзим Алиу, и „јасната визија на владата на ВРЕДИ“, пренесува Телеграфи.
„Нема нација без корени. Нема иднина без историја. И нема историја што живее без јазикот што ја одржува жива.
Овој успех уште еднаш ја докажува нашата непоколеблива посветеност да стоиме покрај нашите сонародници каде и да се и да им обезбедиме на нивните деца пристап до образование на мајчин јазик, неотуѓиво право и национално богатство.
Ова не е симболичен чекор, тоа е културна, емоционална и политичка победа за сите Албанци во дијаспората, кои со децении го чекаат овој ден.
Денес, албанскиот јазик почна да одекнува дури и во училишните клупи во Берлин затоа што ВРЕДИ е за дијаспората, ВРЕДИ е за нашите деца, ВРЕДИ е за иднината!“, се вели во соопштението од Коалицијата.