Од вечерва, по полноќ, во 00:01 часот, дизелот и екстра лесното масло значително ќе поевтинат, додека цените на бензините се зголемуваат, одлучи Регулаторна комисија.
Така, малопродажната цена на ЕУРОДИЗЕЛ (Д-Е V) се намалува за 6,50 денари по литар и ќе изнесува 95,00 денари.
Малопродажната цена на Екстра лесното масло за домаќинство (ЕЛ-1) се намалува за 3,50 денари и ќе изнесува 97,00 денари по литар.
Цените на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 денар по литар.
Новата цена на ЕУРОСУПЕР БС-95 ќе изнесува 94,00 денари/литар, а ЕУРОСУПЕР БС-98 ќе се продава по цена од 96,00 денари/литар.
Малопродажната цена на Мазутот М-1 НС се намалува за 1,166 ден/кг и ќе изнесува 44,410 ден/кг.