Голманот на фудбалската репрезентација на Македонија, Столе Димитриевски, пет пати ја вадеше топката од мрежата на Валенсија во натпреварот со неприкосновениот лидер Барселона, која славеше со 5:0 на „Месталја“ во четвртото коло од шпанската Ла Лига.
Од 14 шанси за гол на гостите две реализира Ламин Јамал и по една Фермин Лопез, Рафиња и Педри, заковувајќи го тимо на македонскиот чувар на мрежата на дното од табелата само со еден бод и со гол-разлика 1:9.
Димитриевски запиша пет одбранети удари, но анемичните соиграчи од дефанзивната линија го принудија во еден меч на капитулација повеќе пати отколку на претходните три заедно.