Хроника

Втора кривична пријава против Ќира – овојпат незаконски разрешил директор на училиште и поставил друг, иако не исполнува услови

Струшката полиција поднесе кривична пријава против градоначалникот на општина Струга Менди Ќира, поради сомневање дека сторил кривично дело „злоупотреба на службена положба и овластување“. Ќира доби кривична пријава и во април годинава, бидејќи на 18 ноември 2025 година назначил вршител на должност директор на ЈП „Водовод и канализација“ – Струга, и покрај тоа што знаел дека кандидатот не ги исполнува законските услови.

Министерството за внатрешни работи. денес, на 15 септември 2026 година соопшти: „ОВР Струга поднесе кривична пријава против М.Ќ.(66) од струшкото село Биџево, поради постоење основи на сомнение за сторено кривично дело злоупотреба на службена положба и овластување. Како градоначалник на Струга, спротивно на одредбите од Законот за основно образование тој донел одлука и незаконски разрешил директор на едно основно општинско училиште, по што назначил друго лице како вршител на должноста директор. М.Ќ. тоа го направил, иако знаел дека новоназначеното лице нецелосно ги исполнува условите, пропишани во  Законот за основно образование“,

Неправилностите биле утврдени и од инспекцискиот надзор, извршен од Државниот просветен инспекторат, се додава во соопштението.

Претходно и во април 20276 година беше поднесена кривична пријава против градоначалникот на Општина Струга Ќира, поради  сомневање дека на 18 ноември 2025 година, незаконски донел одлука за именување вршител на должноста директор на Јавното претпријатие „Водовод и канализација“ од Струга. На тоа работно место го имал назначено М.Ј. од Струга, иако знаел дека тој нема соодветно образование, ниту соодветен сертификат за познавање англиски јазик.

Именувањето на М.Ј. било спротивно на Законот за јавни претпријатија, бидејќи тој не исполнувал повеќе услови од законот. Со овој потег на М.Ј. му било овозможено противправно да оствари парична корист врз основа на плата и придонеси како директор на јавното претпријатие.

Најнови вести од: Хроника

„Мислеше дека е мртва и сакаше да се ослободи од нејзиното тело“, тврди мајката на претепаната девојка во Охрид

Најголемата среќа во целата оваа трагедија е што Сара дошла при свест пред напаѓачот да успее да ја однесе и да ја фрли во некоја провалија. Токму затоа, кога сфатил дека таа се освестила, ја фрлил на улица“, наведува мајката

Битолчанка (21) била давена од момчето – Откако бил пријавен, им избегал на полицајците низ прозорец

Бети Ангеловска од Битола, мајка на 21-годишна девојка која минатата недела во полиција пријавила дека била давена и задушувана со голи раце од момчето со кого била во врска и од кого според пријавата – година и половина трпела тепање, закани за убиство и психичко малтретирање, бара итно полицијата да го пронајде осомничениот, бидејќи откако бил пријавен, според нејзинината изјава, осомничениот им избегал на полицајците од полициската станица во Битола наместо да биде задржан.

Гасен пиштол со рамка пронајден кај ученик (15) во средно училиште во Тетово

На 13.11.2026 во 14:40 часот во средно училиште во Тетово, полициски службеници од СВР Тетово, во присуство на родител и училишниот педагог, лишија од слобода 15-годишен малолетник од Тетово затоа што при преглед кај него биле пронајдени и одземени пиштол „Зораки 918-Г“ калибар 9 мм и една рамка.

Мајка цела ноќ ја барала исчезнатата ќерка (12): Била заклучена во автомобил во Сарај!

Мајка од Скопје пријавила дека нејзината 12-годишна ќерка била заклучена против своја волја во автомобил од малолетник, по средба во паркот Сарај. Девојчето, кое претходно било пријавено за исчезнато, се вратило дома следното утро, соопшти Министерството за внатрешни работи.

To top