Градоначалникот на Тетово, Билал Касами, објави дека долгот на општината е намален од 20 на 3 милиони евра.
„Општина Тетово имаше долг од 15 милиони евра, кој заедно со каматиете се зголеми на 20 милиони. Сега успеавме да го намалиме тој долг кон извршителите на 3 милиони и работиме на тоа да ги исплатиме и конечно Општина Тетово да има финансиска ликвидност. Затоа, апелирам до граѓаните да ги платат даноците на имот за 2024/25 година, за да не бидеме принудени да ги испраќаме на извршител. Ова се задоцнети обврски и граѓаните ќе мора да платат бидејќи тоа е граѓанска обврска“, изјави Касами.