Македонија

За европратеникот Вигенин, нема простор за нови отстапки од Бугарија кон Македонија

Бившиот шеф на бугарската дипломатија го обвини Мицкоски за предавство, бидејќи не го исполнил договореното со Софија

Според бугарскиот европратеник Кристијан Вигенин, Бугарија немало што повеќе да попушта (?) кон „браќата“ отаде југозападната граница.

„Нема простор за нови отстапки од Бугарија во однос на Северна Македонија, зошто веќе направивме доволно. Нема меѓународен притисок што може да ја промени националната позиција поддржана буквално од целиот парламент, од сите политички формации и која ја споделуваат 99 проценти од бугарските граѓани“, изјави тој за тамошната БТВ.

Поранешниот министер за надворешни работи очекува американски притисок попрво врз Македонија за да си ги исполни обврските, зошто тоа, според него, е единствениот начин за забрзување на нејзиниот пат кон Европската унија.

„Во Северна Македонија се создаде атмосфера во која секој што го поддржува европскиот пат на земјата и исполнувањето на преземените обврски се прогласува за предавник. Тие обврски не се кон Бугарија, туку кон ЕУ“, додаде бившиот потпретседател на Народното собрание на Бугарија, кој си зеде право да го прогласи за предавник – македонскиот премиер?!

„Предавството е всушност на премиерот Мицкоски – ако го исполнеше договореното, Северна Македонија ќе беше на прагот на членството, а сега четири години преговорите не почнуваат“, објасни Вигенин, кој не толку одамна се прослави со предлогот за распишување референдум во Бугарија за членството на Македонија во ЕУ.

Најнови вести од: Македонија

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

Уставни измени во 2001: Треба да се спречи Македонија и целосно да ја изгуби својата „македонска душа“ како држава! (3)

Ноемвриските уставни амандмани од 2001 година „инсталираа“ „фабрички дефект“ во функционирањето на политичкиот систем преку воведувањето на „консензуалната“, „договорна демократија“, предвидена да ја практикуваат „етничките поглавари“ на Македонците и Албанците. Експертите посочуваат дека таквата „договорна демократија“ ја претвори Македонија во непрогласена „двонационална држава“ со „отворена перспектива“ наместо унитарна држава да стане и „двокантонална федерација“, или можеби и конфедерација. Сегашната претседателка на Република Македонија Гордана Силјановска-Давкова учествувајќи на една научна расправа во МАНУ пред 19 години, тогаш како професорка по уставно право и уставен систем, констатираше дека „во 2001 година врз македонската држава беше спроведен рамковен и уставен инженеринг во режија на меѓународната заедница“. Силјановска-Давкова уште тогаш имаше изнесено предупредување дека е реална заканата „Македонија да стане ‘држава без душа“.

Мицкоски за ужасниот напад врз девојката во Охрид: Жестоко го осудувам ова дивјаштво! – Сѐ ќе сториме сторителот да одговара пред правда!

Премиерот Христијан Мицкоски упати остра осуда за нападот врз младата девојка во Охрид, изразувајќи поддршка до нејзиното семејство, ветувајќи дека институциите ќе сторат сè сторителот да биде изведен пред лицето на правдата.

To top