„Во овој момент како никогаш до сега, се градат два гасоводни интерконектори, едниот со нашиот јужен сосед, другиот со нашиот северен сосед. Едниот очекувам да биде синхронизиран и пуштен во употреба до крајот на првата половина од следната година, а другиот очекувам до крајот на 2028 година да биде целосно синхронизиран. Со тоа драматично ќе се зголеми геостратешкото значење на Македонија. Овие два гасовода ќе значат можност за инвеститори коишто би сакале да инвестираат во производни капацитети на електрична енергија коишто го користат гасот како погонско гориво. Но тоа ќе значи и можност за нас, кога ќе стане збор за реконструкција и модернизација на термоелектраните коишто користат јаглен како погонско гориво, да можеме да направиме конверзија на гас и така да ги зачуваме работните места и така да ги зачуваме тие објекти да продолжат да произведуваат.“ – посочи македонскиот премиер.
Во однос на претворањето, кога ќе се случи тоа, Мицкоски додаде: „Па тоа веќе трае, АД ЕСМ веќе разговара со Светска банка и многу скоро ќе имам многу убави вести за тој проект.“