Адвокатот Јанаки Митровски смета дека бегалката Ива Михаилова е инструментализирана од бугарската политика против Македонија и на крајот ќе заврши како Христијан Пендиков, чиј случај ги вжешти односите со Бугарија пред неколку години.
„Вака, ќе ја користат, ќе ја шетаат како бела мечка да ги поживее петте минути слава, и толку, ќе ја заборават….го памти или збори ли некој за Пендиков во Бугарија денес?“, прашува Митровски на Фејсбук.
Според него, бегалката од македонската правда среде судењето во Кочани за сообраќајката со еден загинат пред една година си направила лоша услуга со бегството во Бугарија, од кадешто „нема да може да мрдне, ризик е за Шенген“.
„Ја заглавија на 23 години“, вели тој.