Од полноќ важат новите цени на горивата што ги утврди Регулаторната комисија за енергетика. Бензините поевтинуваат, додека дизелот и дел од останатите деривати поскапуваат.
Според објавената одлука, цената на Еуросупер БС-95 ќе изнесува 96 денари за литар, а Еуросупер БС-98 ќе се продава за 98 денари.
Намалувањето кај бензините е 2,50 денари по литар.
Наспроти тоа, Еуродизелот поскапува за два денари и ќе чини 99 денари за литар. Исто толку – два денари – ќе поскапи и екстра лесното масло за домаќинство, чија нова цена ќе биде 110,50 денари за литар.
Поскапува и мазутот М-1 НС. Неговата цена се зголемува за 1,837 денари за килограм и ќе изнесува 53,579 денари.
Новите цени стапуваат на сила од полноќ и ќе важат на сите бензински пумпи во земјава.
