Свет

Oдобрeн планот на Нетанјаху за освојување на Газа

Во одлуката не се користел зборот „окупација“, туку „преземање“, поради правни причини поврзани со одговорноста на Израел за цивилните прашања во Газа

2 минути за читање

 

 

Израеллскиот Кабинет за безбедност изминатата ноќ го одобри предлогот на премиерот Бенјамин Нетанјаху за преземање на густо населениот град Газа, пренесува Тајмс оф Израел. 

Предлогот на премиерот помина и покрај предупредувањата од Израелските одбранбени сили (ИДФ) дека операцијата ги ризикува животите на преостанатите заложници, покрај тоа што потенцијално може да предизвика хуманитарна катастрофа.

Пред да се состане кабинетот за безбедност,  Нетанјаху изјави за Фокс њуз дека негова намера е целосно преземање на градот Газа.

Според соопштението од кабинетот на Нетанјаху, усвоениот предлог има за цел „поразување на Хамас“, што значи дека може да има последователни операции надвор од онаа за Газа што беа одобрени, а не објавени.

Во одлуката не се користел зборот „окупација“, туку „преземање“, поради правни причини поврзани со одговорноста на Израел за цивилните прашања во Газа, според новинската страница Ynet.

Сепак, медиумот, повикувајќи се на неименуван висок израелски функционер, додаде дека оваа разлика е површна и дека одлуката всушност се однесува на целосна воена власт.

Во соопштението од канцеларијата на Нетанјаху се истакнува дека мнозинството членови на кабинетот поддржале список од пет принципи што Израел ќе бара да бидат исполнети пред да се согласи да ја заврши војната со Хамас:

(1) Разоружување на терористичката група;

(2) враќање на сите 50 преостанати заложници – од кои се верува дека 20 се живи;

(3) демилитаризација на Појасот Газа;

(4) израелска безбедносна контрола врз Појасот Газа; и

(5) постоење на алтернативна цивилна влада која не е Хамас или Палестинската самоуправа.

Израел тврди дека моментално контролира 75 проценти од Појасот Газа, додека ИДФ во голема мера избегнува да влегува во преостанатите 25% – кои главно го сочинуваат градот Газа и бегалските кампови во централна Газа – поради верувањето дека повеќето од заложниците се држат таму.

Речиси сите 2 милиони граѓани на Газа моментално се наоѓаат во четвртиот дел од Појасот што ИДФ не го контролира.

Хамас се закани дека ќе ги погуби заложниците ако неговите оперативци откријат дека израелските трупи се приближуваат…

Поврзани теми:

актуелно|Газа|Нетанјаху|окупација|преземање

Повеќе на оваа тема:

Најнови вести од: Свет

Трамп го сака Гренланд – но без мразокршачи од Финска или Русија, тоа е невозможно

Климатските промени на Арктикот не го олеснуваат, туку го отежнуваат движењето: мразот станува подебел, поподвижен и поопасен во некои области, дури и кога вкупната површина на ледената покривка се намалува.

„Фолксваген“ нуди пензионирање на 57 години: Нереални услови за да го намали бројот на вработени

Оваа мерка е дел од пошироката реструктуирање на „Фолксваген“ во услови на пад на продажбата на електрични возила, високи трошоци за транзиција кон електромобилност и зголемена конкуренција од Кина.

„Политико“: Макрон влегува во период на „патор што куца“! Во 2027 избори за нов претседател на Франција

„Откако ќе заврши борбата за буџетот на францускиот претседател Емануел Макрон, француската политика ќе се префрли во режим на кампања за претседателските избори, велат политичари, вклучувајќи тројца сојузници на Макрон. Неговото славење поради претстојното усвојување на буџетот на Франција за за 2026 година ќе биде краткотрајно. Откако ќе биде одобрен буџетот, тој ќе стане „патор што куца“ до претседателските избори напролет во 2027 година.“ – нагласи угледниот аналитички портал „Политико“ од Брисел во својата статија со наслов „Макрон влегува во периодот на ‘патор што куца“, која ја објави вчера.
Сите вести од Свет

Најнови вести

To top