Лидерката на АфД посебно ја оспорува огромната германска финансиска поддршка за Киев.
„ Ќе потрошиме повеќе од 100 милијарди. Ниту една друга земја не потрошила толку, а ние самите сме високо задолжени“, рече лидеркта на АФД, Алис Вајдел, партија чиј рејтинг расте со геометриска прогресија, во интервју за „Економист“
„Мислам дека е погрешно да се продолжува со финансирањето и со пролонгирањето на една веќе изгубена војна – изјави Вајдел.
Вајдел е категорична и во проценката на односот на силите.
„Украина е премала. Украина не може да победи против Русија. Тоа е невозможно“ вели Алис Вајдел, во интервју за „Економист”
Според неа, продолжувањето на војната и политиката што ја води германската влада создаваат „огромен ризик” за самата Германија.
Германските влади од почетокот на руската инвазија обезбедија различни форми на помош за Украина чија вкупна вредност до средината на 2026 година се проценува на околу 100 милијарди евра.
Вајдел својата позиција ја формулираше со порака која јасно потсетува на политичката парола „America First” на американскиот претседател Доналд Трамп.
– За мене, интересот на мојата земја е на прво место. Германија на прво место. Оваа војна не е во наш интерес – изјави лидерката на АфД.