На социјалните мрежи широко се шири видео снимка на која се гледа како група мажи без униформи и без видливи ознаки насилно ја туркаат млада жена во бело комбе во центарот на Тирана. Инцидентот се случил за време на студентските протести што веќе неколку дена ја потресуваат албанската престолнина.
Според објаваите на социјалните мрежи, станува збор за студентка што учествувала во демонстрациите. Мажите што ја одвеле немале полициски униформи, ниту какви било други идентификациски знаци. Видеото, снимено ноќе, покажува хаотична сцена во која девојката е насилно турната во возилото, додека во близина има минувачи и други лица.
Овој инцидент се случува во контекст на тридневни насилни студентски протести во Тирана, во кои младите бараат подобри услови за студирање, пониски трошоци за образование, повеќе можности за вработување и оставка на премиерот Еди Рама. Протестите ескалираа во судири со полицијата, која употреби солзавец и водени топови, додека демонстрантите фрлаа камења и запалуваа контејнери и објекти.
🚨🇦🇱 BREAKING: FEMALE STUDENT PROTESTER REPORTEDLY ABDUCTED BY UNIDENTIFIED MEN IN TIRANA
A female student participating in protests in Tirana, Albania, was reportedly forcibly taken away by unidentified men wearing no uniforms, displaying no logos, and bearing no visible identification.
⚠️ Where are they taking her? Who are these men? The incident raises serious concerns about the student’s safety and the rule of law.
.@ediramaal must be held accountable, and the authorities must immediately clarify who took her, where she is, and ensure her safety.
#Albania #Tirana #StudentProtests
— Anonymous TV 🇺🇦 (@YourAnonTV) October 15, 2026
Иако видеото предизвика голема загриженост и повици за одговорност кон албанските власти, досега нема официјална потврда од полицијата или од владини институции за идентитетот на одведената девојка, ниту за тоа дали станува збор за официјално апсење или за друг вид интервенција. Организации и граѓани бараат итно разјаснување за нејзината безбедност и локација.
Протестите во Албанија веќе предизвикаа десетици повредени и уапсени, а меѓународните медиуми известуваат за најголемиот предизвик за владата на Рама во последните години.