Македонија

(Фото): Центар трча: Успешно заврши првата ноќна трка низ Дебар Маало

Убава вест за сите со спортски дух. Со музика, навивање и одлична енергија, во саботата се одржа првото издание на CENTAR NIGHT RUN. Дебар Маало и улиците на Центар беа исполнети со тркачи и публика, кои создадоа нова спортска приказна во градот.

2 минути за читање

Со музика, навивање и одлична енергија, во саботата се одржа првото издание на CENTAR NIGHT RUN. Дебар Маало и улиците на Центар беа исполнети со тркачи и публика, кои создадоа нова спортска приказна во градот.

Настанот привлече учесници од 23 градови од Македонија и вкупно девет земји, а 50% од тркачите беа помлади од 30 години. Со старт и цел пред Општина Центар, на улицата „Орце Николов“, учесниците се натпреваруваа на две дистанци: полумаратон од 21 километар и трка на 5 километри.

ПОБЕДНИЦИ НА ПОЛУМАРАТОНОТ – 21К

Во женска конкуренција, победи Адријана Поп Арсова Рашиќ со време 1:18:26 и награда од 20.000 денари. Второто место го освои Биљана Кираџиева со 1:24:30 и награда од 15.000 денари, а третото Марија Остојчиќсо 1:37:37 и награда од 10.000 денари.

Во машка конкуренција, прв беше Бојан Чаприќ со време 1:14:50 и награда од 20.000 денари. Втор заврши Димитар Илиев со 1:15:05 и награда од 15.000 денари, а трет Кокан Ајановски со 1:15:38 и награда од 10.000 денари. Сите освојувачи на првите три места на полумаратонот се од Македонија.

ПОБЕДНИЦИ НА ТРКАТА НА 5 КИЛОМЕТРИ

Во женска конкуренција, победи Дарија Крстевска со време 18:47 и награда од 12.000 денари. Второто место го освои Снежана Димовска со 21:21 и награда од 9.000 денари, а третото Бистра Груевска со 21:28 и награда од 6.000 денари. Сите три првопласирани се од Македонија.

Во машка конкуренција, победи Албион Имери од Косово со време 15:35 и награда од 12.000 денари. Втор беше Григоријан Никовски од Македонија со 15:50 и награда од 9.000 денари, а трет Урош Гутић од Босна и Херцеговина со 17:13 и награда од 6.000 денари.

Вкупниот награден фонд изнесуваше 144.000 денари, со еднакви награди за жените и мажите на двете дистанци. За атмосферата се погрижија водителката Даниела Станоевска Џидрова и диџеј Вито, а за освежување на учесниците беа обезбедени вода, вода со вкусови, електролити и банани.

Организаторите им се заблагодаруваат на учесниците, публиката, волонтерите, партнерите и ангажираните екипи. Посебна благодарност упатуваат до МВР за обезбедувањето и регулирањето на сообраќајот и до жителите на Центар за трпението и разбирањето за време на трката.

CENTAR NIGHT RUN го организира ПРВ ДО ВРВ, со поддршка на Општина Центар, со желба трката да прерасне во нова градска традиција.

Поврзани теми:

спорт|Дебар Маало|учесници|трчање|полумаратон|ноќна трка|топ|избор|Центар|натпревар

Повеќе на оваа тема:

Најнови вести од: Македонија

Андоновска: Во ИЈЗ се почитува Законот за јазици! – ДУИ не може да прифати дека нема повеќе „како до сега”!

Директорката на Институтот за јавно здравје, Марија Андоновска, реагира на обвинувањата од ДУИ дека во институцијата не се почитува Законот за употреба на јазиците. „Како Директор на Институтот за јавно здравје, ги отфрлам последните обвинувањата на ДУИ. Во изминатиов период во Институтот за јавно здравје имаше инспекциски надзор од страна на инспектори од Инспекторатот за […]

ЗНАМ: Во моментов не постои уставна и законска основа да се полага правосудниот испит на албански јазик

„ЗНАМ ја разбира нервозата и хистеријата кај одредени претставници на моноетнички политички партии предизвикани од јасниот и принципиелен став на ЗНАМ дека правосудниот испит треба да се полага на македонски јазик, во согласност со Уставот и законите на државата.“ – соопшти денес Движењето ЗНАМ.

Делото на Видоески наспрема „Бугарскиот договор“: дали е време во 2026 Македонија да постапи како Бугарија со „Бледскиот договор“ во 1949?! (2)

Грандиозното научно дело на дијалектологот Божидар Видоески не само што ги урива сегашните бугарско-грчки фалсификати и оспорувања на македонскиот јазично-идентитетски комплекс, туку и отвора сериозен простор за дилема: дали нема, или можеби и има право Република Македонија, согласно и со меѓународното право и неговиот врховен принцип „јус когенс“ да постапи денес со „Бугарскиот договор“ еднакво како што постапи Бугарија со „Бледскиот договор“ во 1949 година – како Бугарија согласно со нејзините „бугарски државни и национални интереси’, така и Македонија согласно со своите државно-национални интереси?! Зашто, великанот на македонската дијалектологија аргументирано докажа и сиот свој живот го бранеше македонскиот јазик како столб на македонскиот идентитет – столб кој е денес загрозен со бугарските евроинтеграциски уцени и ултиматуми.

Студиите на Божидар Видоески ги кршат на парчиња грчко-бугарските шовинистички негирања на македонските дијалекти во Егејска и Пиринска Македонија (1)

Со своето големо научно дело за македонската дијалектологија професорот и академик Божидар Видоески му изгради траен паметник на македонскиот народ за неговиот мајчин македонски јазик и неговите дијалекти, на македонскиот идентитет. Зашто во дијалектите на македонскиот јазик се вградени сета негова историја, сето зборовно богатство, културата, обичаите, народните традиции, песните. Вчера, на 8 ноември 2026 година, се навршија 106 години од раѓањето на Видоески, основоположникот на современата македонска дијалектологија. Тој остави зад себе остави огромно дело од повеќе од 300 библиографски единици – дијалектолошки студии, монографии, статии, документи и др., објавувани во домашни и видни странски списанија и зборници. Истражувањата и студиите на овој македонист, славист и дијалектолог жестоко ги побиваат сите антимакедонски и ненаучни фалсификати и оспорувања на македонскиот народ, јазик и идентитет, кои се вградени во „Договорот за добрососедство“ со Бугарија, односно „Бугарскиот договор“, како и во „Преспанскиот договор“.

Крива Паланка бара државна помош: Општината нема капацитет сама да се справи со кравите

Општинскиот кризен штаб алармира дека над 1.000 грла добиток се движат низ центарот и уништуваат имоти, по што градоначалникот Сашко Митовски побара итна владина интервенција

Мицкоски: Правосудниот испит не може да биде само на албански јазик

Делот од правосудниот испит што опфаќа симулација на судска постапка – во рамките на кривичен или граѓански предмет – мора да се спроведува на *lingua franca*, односно на македонскиот јазик“, објасни премиерот

Палмер: Жално е што Бугарија е во позиција да го блокира Скопје за ЕУ

Билатералните спорови не треба да го попречуваат пристапниот процес и очекува поактивна улога од Брисел и од клучните земји членки, вели поранешниот специјален претставник на САД за Западен Балкан, Метју Палмер

Сите вести од Македонија

Најнови вести

To top