Билал Касами, синоќа ја коментираше изјавата на премиерот Христијан Мицкоски кој ја нарече коалицијата „ВРЕДИ“ – „Тројански коњ“, алудирајќи на тоа дека тие придонеле за победата на противкандидатот на ВМРО-ДПМНЕ, Аркин Јахији кандидат на НАИ, на локалните избори во Брвеница.
Во емисија на телевизијата „Алсат“, Касами, кој е еден од Лидерите на ВРЕДИ, порача дека дека ваква комуникација – која се одликува со таков вид на јазик – нема да биде толерирана.
„Во никој случај не толерираме употреба на таков јазик во нашата комуникација. Иако е јасно дека ваквата реторика е наменета за јавноста, ние сепак одржуваме партнерство во рамките на Владата“, изјави Касами.