Новите правила за влез во „Шенген-зоната“ не решаваат ништо за подобрување на определна област во ЕУ, а нам ни создаваат сериозни проблеми. Тие ќе влијаат многу лошо врз бизнисот. Мислам дека се најавени сериозни протести и од понеделник се очекува реакциите да се пришират во сите земји погодени од ваквата одлука, рече претседателот на Стопанската комора, Бранко Азески.
Тој Азески истакна дека очекува повлекување на новите правила, но не наскоро. Како што информира, особено е жесток и критичен тонот на странските инвеститори во Македонија кои и денеска се во претставништвото на ЕУ во Македонија да реагираат.
- Мислам дека работата ќе добие многу лош тек зашто се преговара поединечно со секоја земја и тоа е став на ЕУ, не заеднички. Ние се обидовме преку нашите релевантни заеднички претставнички тела на Балканот да го актуелизираме ова прашање уште пред шест месеци, но тешко наоѓавме соговорници за тоа. Единствено – „нема промена на одлуката, ние ќе преговараме со секој поединечно“. Но, тоа „секој поединечно“ значи да немаш преглед на ситуацијата. Ние упативме писмо до претседателката на Европската комисија, а информиран сум од Владата дека и премиерот лично ќе оди во Брисел и ќе разговара за ова прашање зашто мислиме дека е исклучително важно и не решава ништо за подобрување на определна област во ЕУ, а создава сериозни проблеми за нас. Очекуваме од понеделник реакциите да се пришират во сите земји погодени од ова. Не очекувам брзо решение, но очекувам повлекување на одлуката – потенцира Азески.
Азески истакна дека странските инвеститори веќе реагираат до претставништвото на ЕУ, а за прашањето е испратено писмо до Европската комисија и најавена е посета на премиерот во Брисел. Иако ЕУ преговара поединечно со секоја земја, што ја отежнува транспарентноста, Комората очекува дека одлуката на крајот ќе биде повлечена.
Македонските превозници в понеделник ќе ги блокираат 9-те гранични премини кон Бугарија, Грција, Албанија и Косово. Ќе ги придружуваат и колегите од Србија, Црна Гора и Босна и Херцеговина, со што ќе ги паркираат камионите на границите, најавувајќи целосна блокада на товарниот сообраќај кон Европската Унија.