Бизнис

Фондот на ПИОМ гарантира дека пензиите ќе стигаат секој први

Пензионерите и осигурениците можат да бидат спокојни

3 минути за читање

Фондот на пензиското и инвалидското осигурување ја известува јавноста дека исплатата на пензиите се одвива нормално и веќе на први декември 2025 пензионерите ќе ја добијат ноемвриската пензија, за што вкупно ќе се исплатат средства во висина од 9.297.493.427 денари (девет милијарди 297 милиони 493 илјади и 427 денари).

Пензионерите треба да бидат спокојни, бидејќи Владата ја гарантира исплатата на пензиите и тука не треба да има никаков сомнеж или страв дека пензии нема да има. Фондот на ПИОМ во координација со Владата исплатата ја врши секој први во месецот и истото ќе продолжи да го прави и во 2026 година.

За наредната 2026 година Владата на Република Македонија во буџетот ќе обезбеди речиси 151 милјарда денари за исплата на покачените пензии, здравственото осигурување на пензионерите и транзициските трошоци за трите пензиски друштва од вториот столб.

Фондот на ПИОМ ја информира јавноста дека од први октомври 2024 година до први октомври 2025 година, кога се исплатени септемвриските пензии за 2024 и за 2025 година, номинално се покачени за 6000 денари. Процентуално покачувањето, со исплатата на септемвриската пензија 2025 година, изнесува околу 29 проценти во однос на сумата исплатена за августовската пензија во 2024 година.

Како илустрација да напоменеме дека на први септември 2024 година за августовската пензија се исплатени 7.210.341.000 денари (седум милјарди 210 милиони 341 илајда денари), а со покачувањето од 2500 денари на први октомври 2024 година исплатата изнесувала 8.166.689.000 денари (осум милијарди 166 милиони и 689 илјади денари). На први октомври 2025 година со второто покачување од 2500 денари за мартовската пензија во 2025 година и линеарното усогласување од 1000 денари на септемвриската пензија во оваа година, исплатата достигнува 9.403,340,000 денари (девет милијарди 403 милиони 340 илјади денари).

Фондот на ПИОМ, исто така, информира дека вкупните средства за исплата на пензиите со усогласувањата, во 2026 година ќе бидат повисоки за 30 милијарди денари, односно за околу 500 милиони евра.

Во своето соопштение Фондот додава дека сите овие покачувања и усогласувања на пензиите се во насока на подобрување на животниот стандард на пензионерите и намалување на влијанието на инфлацијата врз истиот.

Според официјалните податоци од државните институции инфлацијата во 2024 година изнесуваше 3,5 проценти на годишно ниво, а за оваа година се очекува да биде 3,9 проценти.

Од изнесените податоци се гледа дека процентот на зголемувањето на пензиите од септември 2024 година до септември 2025 година е многу поголем од инфлацијата со која се соочуваме.

Фондот на ПИОМ истовремено потенцира дека во изминатите 30 години пензиите никогаш не биле зголемени за толкав процент во период од една година, што е само уште една потврда дека Владата води грижа за подобрување на стандардот на пензионерите.

Поврзани теми:

топ|пензионери|пензии|ПИОМ

Повеќе на оваа тема:

Најнови вести од: Бизнис

Инвестициите клучни за одржлив развој – што прогнозираат економистите до крај на 2025-та?!

Годинава, според економските аналитичари, ќе заврши со раст на БДП за 3,2%. Третото тромесечје испорача пораст од 3,8% што на Владата и даде аргумент да ја вброи земјава во трите водечки европски економии. Како ќе заврши економската 2025-та ќе се знае по истекот и на последниот квартал што веќе го „ситниме“, но според таргетот, годинава […]

Германија ја зголемува минималната плата од 1 јануари

Германската економија се бори долго време, па затоа негативните ефекти од зголемувањето на минималната плата би можеле да бидат поизразени отколку во претходните циклуси на зголемување на минималната плата.

Интересот за новата граѓанска обврзница ги надмина очекувањата на заинтересираните

Износот на една граѓанска обврзница е 10.000 денари, односно тоа е минималниот износ којшто може да се запише од страна на граѓаните. Купонската каматна стапка изнесува 4,5%, а рочноста на обврзницата е 2 години. Датумот на достасување на обврзниците е 19 декември 2027 година, а каматата за исплата достасува за првата година на 19 декември 2026 и за втората година на 19 декември 2027 година.

Секоја четврта контрола покажува дека не се издаваат фискални сметки, алармира УЈП

Во пресрет на празничната сезона, кога прометот во угостителството традиционално расте, УЈП најавува продолжување и заострување на контролите, особено во објектите со висок и нередовно пријавен промет. Порaката до стопанството е дека „советодавниот период“ завршил, а оние што и понатаму ќе избегнуваат да издаваат фискални сметки ќе се соочат со високи казни и затворање на локалите.

Цените на храната во светот паѓаат трет месец по ред

Цените на млекото и млечните производи паднаа за 3,1 процент, со значително намалување на цената на путерот и полномасното млеко во прав, во услови на поголемо производство на млеко и изобилство на понуда во главните производствени региони.

Човечките ресурси и сивата економија предизвици за македонскиот бизнис-сектор

Предизвиците кои се повеќе се исправени пред македонскиот бизнис секор се човечките ресурси,сивата економија и потребата од подобрувања за законската легислатива кои би стимулирале раст на домашното производство и македонските компании се дел од барањата  на бизнис секторот на кои сите трите комори во периодот ќе работат на заеднички предлози кои ќе бидат преставени пред македонската влада. 

Хотелско-угостителскиот сектор повторно бара државна поддршка да подели плати

Економските предизвици со кои се соочува хотелско-угостителската индустрија, во услови на сезонско работење, нестабилен прилив и раст на трошоците и платите, според ХОТАМ јасно укажуваат дека без соодветна државна поддршка одржливоста е сериозен предизвик.
Сите вести од Бизнис

Најнови вести

To top