Изречената казна од страна на Комисијата за заштита на конкуренцијата е за дејствија кои се случувале во февруари 2025 година, во кои Сојузот на стопански комори е вовлечен од предходното раководство, непочитувајки ги структурите и кршејќи го статутот на ССКМ, се вели во соопштението што го упатија до јавноста.
- „Ова се плодовите на работењето од предходното раковотство во Сојузот на стопански комори на Македонија кои се потврдуваат со паричната казна добиена од Комисијата за заштита на конкуренцијата, како и нарушување на угледот на ССКМ и една од големот број причини за кои е разрешено едногласно предходното раководство на вонредното собрание во јули 2025 година. Како нов преседател на Сојузот на стопански комори на Македонија ќе ја почитуваме одлуката на Комисијата за заштита на конкуренцијата и изречената финансиска казна и во оваа прилика би истакнал дека единствено слободниот пазар е основниот параметар според кој сe формираат цените“, е ставот на првиот човек на СКСМ, Горан Ѓорѓиевски.
ССКМ е организација која повеќе од две децении работи во интерес на компаниите, стопанството и економскиот развој, почитувајки ги законските рамки и принципите на професионалност, транспарентност и независност. Нашата улога отсекогаш е да обезбедиме поддршка, информираност и размена на добри практики без какво било влијание врз деловните одлуки на компаните или нивните пазарни политики – наведуваат од ССКМ.
Од комората посочија дека ќе ја почитуваат одлуката ка Комисијата за заштита на конкурентноста и казната од 18585 евра ќе ја платат. Нивниот став е дека единствено слободниот пазар е основниот параметар според кој треба да сe формираат цените.
Освен за ССК комисијава за конкурентност казни и четири големи трговци кои неетички заработувале на грбот на граѓаните. Тие добија парична казна од по 50 илјади евра, иако требаше таа да изнесува во милионски суми комисијата решила да биде ваква санкцијата бидејќи било утврдено дека нефер трговските практики се случаувале краток вртеменски период.