Бизнис

Паѓаат каматите на кредитите – Просечната каматна стапка во август била 4,90%

Просечната каматна стапка на новоодобрените кредити, во август, е повисока за 0,06 п.п. на месечна основа и изнесува 4,48%, додека на годишна основа е намалена за 0,56 п.п.

Паѓаат каматите на кредитите. Во август 2025 година, просечната каматна стапка на вкупните кредити изнесува 4,90% и е намалена за 0,01 п.п. и 0,54 п.п. на месечна и на годишна основа, соодветно. Просечната каматна стапка на вкупните депозити бележи месечен пад од 0,02 п.п., при годишен раст од 0,23 п.п. и изнесува 2,19%.

  • Просечната каматна стапка на новоодобрените кредити во август е повисока на месечна основа и изнесува 4,48%, додека на годишна основа е намалена кај новопримените депозити изнесува 2,06% – соопштија од Народната банка.

Каматната стапка на вкупните кредити на домаќинствата во август изнесува 5,27%. Промената во целост се должи на намалените каматни стапки на денарските кредити без валутна клаузула, додека каматните стапки на останатите категории кредити се непроменети. Каматната стапка на вкупните кредити на домаќинствата е пониска за 0,39 п.п. на годишна основа.

Просечната каматна стапка на новоодобрените кредити на домаќинствата, овој месец, изнесува 4,68%. Каматната стапка на вкупните депозити на домаќинствата изнесува 2,14%. Споредено со август претходната година, каматната стапка на вкупните депозити на домаќинствата е зголемена за 0,21 п.п.

  • Каматната стапка на новопримените депозити на домаќинствата во август, изнесува 2,18% и бележи пад од 0,15 п.п. на месечна основа. Надолната промена се должи на падот на каматните стапки на денарските депозити без валутна клаузула и на каматните стапки на депозитите во странска валута (за 0,14 п.п. и 0,06 п.п., соодветно). Овој месец, кај банките и штедилниците не се евидентирани новопримени денарски депозити со валутна клаузула. Годишниот пад на оваа каматна стапка изнесува 0,58 п.п. – велат од Народната банка.

Најнови вести од: Бизнис

Коридорот 8 ќе биде целосно завршен до 2029, автопатот Кичево-Охрид до втората половина на 2027, потврди премиерот

Изградбата на автопатските делници од Коридорот 8 во западниот дел на земјата се интензивира во изминатите две и пол години, а целокупниот патен правец треба да биде завршен до 2029 година – најави премиерот Христијан Мицкоски на промоцијата на интегрираниот граничен систем „One Stop Shop“ на граничниот премин Ќафасан.

(Видео): ТЕЦ „Неготино“ повторно ќе произведува струја, рече премиерот

Премиерот тврди дека струјата од ТЕЦ „Неготино“ би чинела од 170 до 175 евра за мегават-час. За три години е предвиден ископ и транспорт на три милиони тони јаглен од Косово, а ЕСМ подготвува набавка на 45.000 тони мазут.

Камата 4,6%, рок до 1 декември – Граѓаните можат да запишат обврзници од 10.000 денари

Четвртата емисија на Граѓански обврзници предвидува каматна стапка од 4,6 отсто и рок на достасување од две години. Запишувањето се врши во деловните банки, а аукцијата е закажана за 3 декември.

Просечна плата од 88.787 денари во ИТ секторот, во угостителството само 35.447 денари – на што се должи тоа?!

Растот на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

Најнови вести

To top