Благоевградската област, која речиси целосно се поклопува со Пиринска Македонија, е единствената од 28 регионални територијални единици во Бугарија со просечна плата под 1.000 евра во првото тримесечје од 2026 година.
Во март таа изнесувала 999 евра, помалку само од претпоследното Хасково со 1.007 евра, а трет одзади е Видин со 1.020 евра.
Во уште десет бугарски области просечната плата е помала од 1.100 евра, меѓу кои и Ќустендил со 1.053 евра.
На врвот е Софија со просечна плата од 2.061 евра, а средната плата на ниво на државата во првите три месеца оваа година достигна 1.407 евра и е поголема за 2,8 проценти во однос на последните три месеца од 2025 година, покажува националната статистика.
Најголема просечна плата се зема во информатичкиот сектор, кадешто во март достигна 3.617 евра, а најниска е во хотелиерството, кадешто изнесува 870 евра.
Во приватните компании таа е 1.410 евра, а во државните 1.398.