Влегувањето на Бугарија во еврозоната и воведувањето на еврото од 1 јануари 2026 година го поддржуваат помалку од половина од граѓаните на источниот македонски сосед, покажува истражувањето на јавното мислење од агенцијата „Алфа рисрч“.
Во прилог на тоа се изјасниле 49,2 проценти од учесниците во нкетата нарачана од Министерството за финансии и спроведена со таблети од 8 до 22 јули на 1.200 испитаници постари од 16 години.
Поддршката за еврото е малку зголемена во однос на мајските 45,8 отсто, што се должи на растот на прифаќањето на европската валута од бизнисот – 69 отсто од 500 анкетирани бизнисмени се изјасниле позитивно.