Бизнис

Повеќе од 200 компании на македонско-српскиот бизнис-форум утре во Скопје – цел е засилување на стопанската соработка

„Се очекува и економската соработка да ги следи добрите односи меѓу Македонија и Србија. Но, мора да го овозможиме тоа, на сите начини да успееме таа соработка да ја кренеме на повисоко рамниште.  Пред неколку беше под една милијарда евра, годинава е 1,4 милијарди, тежнееме да заврши со 1,5 милијарди и во следните години да достигне две милијарди евра. Постојат ресурси и сериозна намера, кои може тоа да го овозможат, ние сме тука да им помагаме на стопанствениците, за да се оствари тоа.“ – нагласи вицепремиерот на Владата на Македонија и министер за односи меѓу заедниците Иван Стоилковиќ.

„Повеќе од 200 компании и најмалку 300 учесници ќе бидат дел од македонско-српскиот бизнис форум, што ќе се одржи утре, на 3 декември 2025 година во Скопје. Целта е јакнење на стопанската соработка.“ – најавија денеска вицепремиерот на Владата на Македонија и министер за односи меѓу заедниците Иван Стоилковиќ и потпретседателката на Владата на Србија и министерка за економија Адријана Месаровиќ, откако ги посетија компанијата „Пекабеско“ и винаријата „Камник“.

Како што посочија Стоилковиќ и Месаровиќ, големи се можностите за соработка меѓу двете земји, особено во прехранбената индустрија, а стремежот е зголемување на размената. Според нив, во форумот ќе се разговара и за инфраструктурни проекти. „Целта е српските производи да се најдат во македонските трговски ланци и српските компании во колку е можно поголем обем да отвораат погони во С.Македонија, но и инвеститорите од С.Македонија да дојдат да инвестираат во Србија и нивните производи да се најдат во српските трговски ланци, да стигнат до крајните потрошувачи. Но, не само производите, тука се и услугите. Не паметиме ваков бизнис форум со преку 200 компании, ниту толку голем интерес. Апсолутно постојат заеднички цели, особено за заеднички настап на трети големи пазари согласно со спогодбите што Србија ги има склучено со земји како Кина, Египет, Емиратите, државите на ЦЕФТА и ЕФТА, како и со сите други, со кои имаме договори за слободна трговија.“ – рече Месаровиќ.

Годинава, додаде таа, Србија и Македонија бележат раст во размената, но можностите се многу поголеми од она, што се остварува.

„Потенцијалот секогаш лежи таму каде што се ресурсите, а главните ресурси на Македонија се прехранбените производи. Тука ќе биде најголемата насоченост на сѐ, што ќе се случува понатаму. Зголемувањето на размената главно се должи на храната, но не треба да се заборават и другите гранки. Форумот е преголем, преку 200 компании, или најмалку 300 учесници, интересот е голем, дури и денеска стигнуват пријави за учество. Ова е голем економски настан за Македонија и за Србија. Се очекува и економската соработка да ги следи добрите односи меѓу двете земји. Но, мора да го овозможиме тоа, на сите начини да успееме таа соработка да ја кренеме на повисоко рамниште.  Пред неколку беше под една милијарда евра, годинава е 1,4 милијарди, тежнееме да заврши со 1,5 милијарди и во следните години да достигне две милијарди евра. Постојат ресурси и сериозна намера, кои може тоа да го овозможат, ние сме тука да им помагаме на стопанствениците, за да се оствари тоа.“ – нагласи Стоилковиќ.

Најнови вести од: Бизнис

Коридорот 8 ќе биде целосно завршен до 2029, автопатот Кичево-Охрид до втората половина на 2027, потврди премиерот

Изградбата на автопатските делници од Коридорот 8 во западниот дел на земјата се интензивира во изминатите две и пол години, а целокупниот патен правец треба да биде завршен до 2029 година – најави премиерот Христијан Мицкоски на промоцијата на интегрираниот граничен систем „One Stop Shop“ на граничниот премин Ќафасан.

(Видео): ТЕЦ „Неготино“ повторно ќе произведува струја, рече премиерот

Премиерот тврди дека струјата од ТЕЦ „Неготино“ би чинела од 170 до 175 евра за мегават-час. За три години е предвиден ископ и транспорт на три милиони тони јаглен од Косово, а ЕСМ подготвува набавка на 45.000 тони мазут.

Камата 4,6%, рок до 1 декември – Граѓаните можат да запишат обврзници од 10.000 денари

Четвртата емисија на Граѓански обврзници предвидува каматна стапка од 4,6 отсто и рок на достасување од две години. Запишувањето се врши во деловните банки, а аукцијата е закажана за 3 декември.

Просечна плата од 88.787 денари во ИТ секторот, во угостителството само 35.447 денари – на што се должи тоа?!

Растот на просечната нето-плата се должи на повисоките исплатени плати во секторот „снабдување со вода, отстранување на отпадни води, управување со отпад и дејности за санација на околината“, каде што е забележан раст од 11,6%.

To top