Легендарниот македонски актер Тони Михајловски по две и пол децении верност искажува огромно незадоволство од НЛБ Тутунска банка која според него е крајно непрофесионална со своите клиенти.
Михајловски открива дека банкоматите на НЛБ банката не се безбедни.
,,НЛБ има банкомати секаде па и во сопствените експозитури и тоа е супер. Но ако мислите дека тие банкомати се сигурни или безбедни за уплата и исплата се лажете! Ако банкоматот кој е во склоп на банката ви ги “голтне” парите не можат да ви ги вратат додека не поминат три дена. Иако 25 години си нивни клиент ќе добиеш само неколку “ве разбирам” кое на вас ништо не ви значи но за услугата зборува многу. Услугата ви е на нула. Ете толку од НЛБ банка”, пишува актерот кој не може да го разбере односот на една од водечките банки во Македонија која е словенечка инвестиција во земјава.
Тој вели дека НЛБ 36 месеци е во пропаст.
,,Последниве 3 години пропаст. Плаќаш лично банкарство, коректен клиент си, за на крај да ти кажат ве разбирам.
Она што морате да го разберете е дека така не се работи”, заклучува Михајловски.
Во коментарите на постот многумина се согласуваат со Тони Мијахловски и незадоволни од услугата најавуваат напуштање на НЛБ Банката и заминување во други банки.
Најчитани вести
Бугарските власти со поддршка за Антимакедонска операција на бугарска група која има врски со тајни служби на земја која не е дел од НАТО
Бугарското МВР дало дозвола за блокада на три македонски гранични премини