Развојот на центрите за податоци е неизбежен процес и Владата ќе продолжи да ја насочува државата кон технолошки и економски развој, и покрај противењето од опозицијата, рече премиерот. Христијан Мицкоски оцени дека Македонија не смее да остане надвор од технолошките процеси што се одвиваат во светот.
- „Јасно е каде оди светот и овој процес е неповратен. Ние знаеме каде да ја водиме Македонија и ќе ја водиме кон просперитет и иднина“, рече Мицкоски.
Тој посочи дека центрите за податоци се дел од глобалниот технолошки развој, нагласувајќи дека во нив инвестираат САД, европските и азиските земји. Во тој контекст го спомена и неодамнешното обраќање на американскиот претседател Доналд Трамп, кој ги повика заедниците да ја поддржат оваа индустрија поради потенцијалот за економски раст, работни места и пониски даноци. Мицкоски оцени дека Македонија не смее да остане надвор од технолошките процеси што се одвиваат во светот.
- „Кога ќе видите како функционираат технолошки развиените земји, се враќате со воодушевување. А кога Владата ќе каже да направиме нешто и кај нас, тогаш сте против“, рече премиерот.
Тој повторно ја критикуваше опозицијата, додавајќи дека Владата ќе продолжи со политиките што, како што рече, треба да обезбедат просперитет и подобра иднина за државата. Премиерот потсети дека економијата долг период не можела да застане на здрави нозе, оти СДСМ и ДУИ оставиле три пати повисок долг и обврски на Владата на ВМРО-ДПМНЕ, за што признаваат и советниците блиски на екс-министерот за финансии Тевдовски.
Дека економијата се стабилизира говорат и бројките. Во првиот квартал од 2026, инфлацијата се стабилизирала на 3,7%, за сега да падне на 3,4%, за разлика од 2022 година, кога беше 14,7%, имајќи ги предвид сегашните геополитички ризици и случувањата на глобалните пазари. Македонската економија е стабилна и место за паника нема, рече премиерот. Долгот што сега го плаќа Владата е долг на претходната гарнитура што ја уништија стопанството. Позитивни трендови се забележуваат и на пазарот на труд, со намалување на невработеноста. Заклучно со јуни во Агенцијата за вработување се евидентирани 88.541 активни баратели на работа, односно 62% од газдите бараат нови луѓе, најмногу во трговијата, градежништвото и преработувачката индустрија.