Бизнис

Знае ли Филипче кој и зошто (не) лета до Скопје пред да обвинува?

Лидерот на СДСМ удри по власта поради повлекувањето на „Луфтханза“ и „Рајанер“ (?), кој никогаш не летал до и од Македонија

2 минути за читање

Меѓу лавината критики на адреса на власта лидерот на СДСМ, Венко Филипче, се истакна и со (не)познавањето на состојбите во авиосообраќајот.

„По ‘Рајанер’, сега се повлекува и ‘Луфтханза’. Изолацијата оди одлично! Со оглед на тоа дека Мицкоски и Тимчо’обезбедија’ граѓаните ова лето да чекаат по 10 часа на граница, сега го губиме и авиосообраќајот – не џабе Мицкоски рече ‘летувајте дома’“, напиша тој на Икс.

Пред два дена вицепремиерот и министер за транспорт Александар Николоски изјави дека нискобуџетната авиокомпанија „Рајанер“ побарала 2,5 пати повисока субвенција за да лета до и од Македонија, а неодамна ги затвори своите бази на аеродромите во Виена и во Солун и во моментов е компанија со најмногу откажани летови. Така што „Рајанер“ не се повлекол од Македонија, од проста причина што никогаш не ни влегол на македонскиот авиопазар?!

„Луфтханза“, пак, по три години нема да лета од Франкфурт до Скопје и обратно како дел од планот за кратење на над 20.000 летови до октомври поради превисоките цени на керозинот како последица на војната на Блискиот Исток.

Поврзани теми:

топ|Венко Филипче|Рајанер|„Луфтханза“

Повеќе на оваа тема:

Најнови вести од: Бизнис

Ристески пред средбата со трговците и дистрибутерите: Нема да толерираме профитирање на грбот на граѓаните

Заменик-министерот за економија и труд информира дека на средбата со производителите, трговците и дистрибутерите, меѓу другото, ќе бидат презентирани анализите на ДПИ во однос на движењето на цените на основните прехранбени производи. Во овој контекст, повтори тој, нема да се толерира некоректно однесување.

Синдикалната минимална кошница за јуни тежи 68.654 денари

Вредноста на синдикалната минимална кошница за јуни 2026 година изнесува 68.654 денари, што е намалување за 88 денари во споредба со мај, кога за покривање на основните месечни трошоци на едно домаќинство биле потребни 68.742 денари.

Азески: Позитивен пресврт во дипломатијата – нашето претставништво во Брисел мора да е точка од која ќе тргнат промените

Ако членството во Унијата ни е целта кон која се движиме, нашето претставништво во центарот на ЕУ мора да биде точката од која ќе тргнат промените. Добро опремено, финансиски поддржано и подготвено за најголемите предизвици – да ја оставиме зад себе уравниловката и со пример да покажеме дека лидерството е врзано со целта и со темелните вредности, а тие, пак, со парите на граѓаните и со нивното добро.

Претседателот на Стопанската комора Бранко Азески на средба во Еurochambres во Брисел

Соговорниците се согласија дека стопанските комори имаат значајна улога во поддршката на реформските процеси, јакнењето на конкурентноста на компаниите и во продлабочувањето на економската соработка меѓу Европската Унија и земјите кандидати за членство.

„H&M“ на големо затвора продавници – Клуч на вратите за уште 170 дуќани низ цел свет до крај на 2026

Шведската модна компанија „Ејч енд ем“ (H&M) објави во својот полугодишен извештај дека ќе затвори 170 продавници ширум целиот свет оваа година за да го приспособи своето работење на моментните пазарни услови.

Атина доби конкуренција, Софија сака да биде регионален лидер во ископот на бакар, Скопје само ја следи битката

Додека соседството дава приоритет на рударската индустрија поради новите европски директиви и геополитичката состојба, Македонија стагнира и не го користи својот потенцијал на бакар во Иловица.
Сите вести од Бизнис

Најнови вести

To top