Ученичка од шесто одделение била брутално малтретирана од три повозрасни девојчиња и како последица на тортурата, сега добива стручна помош. Таа била горена со цигари, понижувано од соученичките во паркот близу општината, а била и присилена да јаде измет од куче, додека сето тоа било сниман со мобилен телефон.
„Пријавено е дека малолетно девојче двапати било физички нападнато од неколку малолетнички од истото училиште. Извршени се службени разговори во присуство на родителите, прибрани се материјални докази, меѓу кои и видеозаписи, и во координација со ОЈО се преземаат мерки за расчистување на случајот“, информираат од МВР за медиумот.
Според првичните информации, наводно причина била кавга преку општествената мрежа инстаграм.