Црногорски државјанин вчера бил лишен од слобода при излез од земјата на граничниот премин „Табановце“.
Имено тој бил регистриран од безбедносните камери дека со неговото „бмв“ возел со 185 километри на час на автопат на кој ограничувањето на брзината е 100 километри на час.
„На 14.10.2026 во 14:25 часот на Граничен премин ‘Табановце’, на излез од државата, полициски службеници го лишиле од слобода М.Н.(34) од Црна Гора, откако при проверка на патничко возило ‘бмв’ со црногорски национални ознаки, кое го управувал, преку системот ‘Безбеден град’ било констатирано дека бил евидентиран како сторител на кривично дело по член 297-а од Кривичниот законик – ‘безобѕирно управување со моторно возило’.
Имено, претходно на автопатот Скопје – ГП Табановце, кај клучка Дељадровци, управувал со возилото со брзина од 185 километри на час на место каде максимално дозволената брзина 100 километри на час.
Тој бил спроведен во полициска станица и по целосно документирање на случајот против него ќе биде поднесена соодветна кривична пријава“, соопшти МВР.