Хроника

С.С.(43) од Гошинце, Липковско, зел испратници на име на ликвидирана фирма, па „легално продавал“ дрва

Поранешен сопственик на фирма од Гошинце успеал да земе испратници за продажба на дрва преку фирмата, иако таа била ликвидирана. Потоа ги пополнувал испратниците, односно ги фалсификувал, и така продавал дрва „легално“.

2 минути за читање

СВР Куманово поднесе кривична пријава против С.С.(43) од с.Гошинце, општина Липково, сопственик и управител на правно лице, товарејќи го за „фалсификување или уништување деловни книги“. Но кривична пријава од СВР Куманово добил и А.Б.(30) од Скопје, помлад соработник во Сектор за шумарство и ловство при Министерство за земјоделство, шумарство и водостопанство (МЗШВ). Него го товарат за „несовесно работење во службата“.

Првопријавениот С.С., на 8 август 2023 од Министерство за земјоделство, шумарство и водостопанство, противправно подигнал испратници задолжени на правно лице, односно на име на фирма што претходно била во негова сопственост. Поточно, фирмата на 15 февруари 2022 година била избришана од Централен регистар согласно Закон за трговски друштва.

Потоа во 25 испратници, С.С. внел невистинити податоци кои ги заверил со својот потпис и печатот од фирмата и противправно ги искористил како да се вистинити за продажба на огревно дрво и дрвни сортименти преку правно лице, со што се стекнал со имотна корист, нагласува СВР Куманово.

Второпријавениот А.Б., како службено лице со задолжение од 6 јули 2022 за издавање на испратници, не извршил соодветна контрола на документацијата доставена од првопријавениот С.С. и не утврдил дека правното лице, односно фирмата, е ликвидирана, по што му издал испратници.

Поврзани теми:

актуелно|СВР Куманово|незаконска продажба на дрва

Повеќе на оваа тема:

Најнови вести од: Хроника

Жителка на Куманово требала да врати 2500 евра камата за еден месец за заем од 4 илјади евра! Истрага за четворица за криминална изнуда и перење пари

Основното јавно обвинителство за гонење организиран криминал и корупција донесе наредба за спроведување истражна постапка против четири лица, за кои постои сомнеж дека биле дел од злосторничко здружение, а вршеле и перење пари и изнуда. За тројца од нив денес до судија на претходна постапка од Основниот кривичен суд Скопје е доставен предлог за определување притвор, додека четвртиот веќе е надвор од Македонија.

Јанев од БЈБ за акцијата во Куманово: Пронајдени пари и докази за криминал од 2021

Директорот на Бирото за јавна безбедност Александар Јанев соопшти дека пет лица ќе бидат опфатени со кривична пријава по големата полициска акција во Куманово, во која беше уапсен Драган Петровски, познат како Штука.

Во полициската акција во Куманово против група поврзана со лихварство, изнуда и перење пари уапсен Драган Петровски – Штука, осомничен како нејзин организатор

Во претреси на повеќе локации, припадници на специјалните полициски единици и истражители бараа докази поврзани со група за која постојат сомневања дека подолг период дејствувала во Куманово и околината. Неофицијално, групата се поврзува со изнуда, лихварство и перење пари.

Учество на МВР на РМ во акција на американската ДЕА и германските служби: Запленети повеќе од 300 килограми кокаин вредни 20 милиони евра

По размената на информации од страна на Одделот за криминалистичка полиција при македонското МВР и службата за борба против дрога на САД (ДЕА) германската полиција заплени над 300 кг кокаин. Дрогата била скриена во товарен контејнер со банани, кој од Еквадор допатувал на пристаниште во Холандија, а од таму стигнал до Германија.
Сите вести од Хроника

Најнови вести

To top