Министерството за внатрешни работи на Република Македонија соопштува дека е приведено лице од Скопје, кое е фатено како превезува имигранти од Виетнам.
„Вчера (23.04.2026 година), околу 02:30 часот, во близина на границата со Грција, во атарот на селото Богородица, полициски службеници од СП за В.К. и М.К. Богородица го лишија од слобода У.Ш. (48) од Скопје, поради сомнение дека во патничко возило „Тојота Корола“ со италијански национални регистарски ознаки, превезувал петмина имигранти, сите од Виетнам“.
„По наредба на јавен обвинител, У.Ш. е приведен во полициската станица и против него ќе биде поднесена соодветна пријава, додека имигрантите се сместени во Прифатниот и транзитен центар „Винојуг“ – Гевгелија“, велат од МВР.