Полицијата објави дека уапсила лице од скопско, а при претрес во домот и возилото, пронајдени се пиштоли и муниција.
Полициски службеници од Единицата за недозволена трговија во координација со полициски службеници од Единицата за интервентна полиција при СВР Скопје вчера по претходна судска наредба извршија претрес во домот и други простории како и товарно возило мерцедес сопственост на Б.Х.(51) од селото Рашче,скопско при што се пронајдени и одземени: 7 пиштоли, 14 рамки и 318 куршуми различен калибар. По целосно документирање на случајот ќе следува соодветна кривична пријава.
