„Самиот факт што ја напуштивме владата по своја волја јасно покажува колку сме малку корумпирани, а можеби и незамисливо за некои партии на власт“, објави претпладнево Алијанса за Албанците на Арбен Таравари.
„Алијансата за Албанците будно ги следеше ‘тврдењата“ на ВМРО за нашата партија и нејзиниот претседател. За очекување е во овие тешки денови на оваа влада во неволја, во целосно отсуство на политички аргументи, да има клевети од најапсурден вид. Не сакаме со никакви навреди или псевдообвинувања да ја оптоваруваме ВМРО која во моментов има доволно маки“ се вели во соопштението од АА.
Од партијата оценуваат дека Алијанса за Албанците е во своите најдобри денови и дека е фокусирана на, како што велат, работата кон октомвриската победа, алудирајќи на локалните избори што треба да се одржат во октомври годинава.