Македонија

Активиран сајтот за вакцинација против сезонски грип

Вакцинација против грип – пријавете се онлајн

1 минута за читање

Министерството за здравство соопшти дека заинтересираните граѓани од ризичните групи може да се пријавуваат за бесплатна вакцинација против сезонски грип. Пријавувањето се врши преку официјалниот сајт на следната адреса: https://vakcinacija.mk/mk/registration-flu.

Со пополнување на електронската форма на сајтот, граѓаните се регистрираат директно во системот „Мој Термин“.

Потоа, согласно претходно утврдениот распоред од планот за вакцинација, ќе добијат СМС-порака со точен датум и час кога треба да се појават на избраниот пункт за вакцинација.

Бесплатната вакцинација е наменета за следните ризични групи: лица постари од 65 години, лица со хронични заболувања, здравствени работници, бремени жени, како и деца на возраст од 6 месеци до 5 години.

Вакцинацијата против сезонски грип претставува најефикасна мерка за превенција.

Таа спречува појава на потешки форми на болеста, компликации и смртен исход, особено кај најранливите категории од населението.

Поврзани теми:

актуелно|Министерство за здравство|сезонски грип|вакцина|„Мој термин“

Повеќе на оваа тема:

Најнови вести од: Македонија

Преведувачката Соња Должан од Словенија, добитничката на признанието „Блаже Конески“ од МАНУ: Македонскиот јазик сè помалку звучи македонски, оти не се чува!

Меѓународното признание „Блаже Конески“, кое Македонската академија на науките и уметностите го доделува за придонес во афирмација и промоција на македонскот јазик и култура, денеска, на 14 октомври 2026 година, ѝ беше врачено на македонистката од Словенија Соња Должан, која повеќе децении е посветена на превод на македонски автори и нивно претставување пред словенечката јавност.

Бугарија добила барање за апсење и испорачување на Ива Михаилова, но нагласува дека може да го одбие тоа, оти „таа била и бугарска државјанка“!

Бугарските власти засега не презеле активности за утврдување на местото, каде што се наоѓа Ива Михаилова, по која Македонија побарала меѓународна потрага, заради апсење и испорачување. Бугарското Министерство за внатрешни работи соопшти дека Михаилова е државјанка и на Бугарија и на Македонија, посочувајќи дека „меѓународните и домашните правни одредби предвидуваат можност за одбивање на испорачување на сопствени државјани“, пренесуваат бугарските медиуми.

Вреди: „Казино-момчето“ Груби излезе од куќен притвор, но не е слободен, уште долго ќе мора да се справува со своите гревови!

„Казино момчето’ Артан Груби излезе од куќен притвор, но е далеку од слободен човек. Каков пазар и да прави, колку и да ги користи старите врски на ДУИ во правосудството, подземните шеми, тој уште долго ќе мора да се справува со неговите гревови додека беше на власт.. Има обвинение и без оглед колку е подготвен Перпарим Бајрами да се жртвува за него, на Артан Груби ќе му виси тежок камен околу вратот.“ – нагласува Вреди во своето соопштение.

ФУЕН бара поддршка од МАЕИ за спроведување на Резолуцијата за Македонците во Албанија од 19.9.2026

Со оваа резолуција официјално се бара Владата на Република Албанија да ја потпише и да ја ратификува Европската повелба за регионални или малцински јазици, да им овозможи на припадниците на македонското малцинство слободно да се изјаснуваат и да преземе ефективни мерки против какви било надворешни политички притисоци, насочени кон негирање или асимилација на македонскиот идентитет. Покрај тоа, се бара општина Пустец да остане посебна единица на локална самоуправа и во рамките на новата реформа да не претрпи територијални промени, односно да не се спојува со други општини.
Сите вести од Македонија

Најнови вести

To top