Македонија

Али го ,,закопа” Венко и јавно призна дека Мицкоски ќе владее уште долго време

Екс командантот за кого сите мислеа дека е мудар направи сериозна грешка во чекори

2 минути за читање

Со последната изјава во која се жали дека не е во владата лидерот на ДУИ всушност меѓу редови открива како ја гледа македонската политичка сцена во наредниве години.

Екс командантот за кого сите мислеа дека е мудар сега направи сериозна грешка јавно признавајќи дека човекот кој ќе одлучува за наредните најмалку неколку влади е лидерот на ВМРО-ДПМНЕ.

Со изјавата во која Ахмети вели дека господар на владата по наредните избори ќе биде Мицкоски домаќинот на Мала Речица го ,,закопа” лидерот на СДСМ Венко Филипче.

Практично Ахмети порача дека Филипче е неважен играч кој нема да решава за ништо.

,,Оној што ќе ги добие изборите е легитимен претставник. Оној што ќе ги изгуби изборите, нека работи за да ги добие следните избори. Зошто Албанците да одат на избори, кога Христијан може да избере кого сака, кого го има за пријател и кого може да го намами во својот скут?“, праша лидерот на интегративците во својот говор на Изборното собрание на огранокот во Желино.

Ахмети го повтори својот став дека изборите се основа на демократскиот легитимитет и оти нивните резултати мора да бидат почитувани од сите политички партии, иако самиот по изборите во 2016 година, на кои во македонскиот блок победи ВМРО-ДПМНЕ, не го испочитува т.н. Мајски договор за формирање влада по принципот победник со победник.

Тој ни под разно не вели дека некој друг освен Мицкоски ќе решава за судбината на ДУИ по следните избори.

Поврзани теми:

Мицкоски|ахмети|топ|Филипче

Повеќе на оваа тема:

Најнови вести од: Македонија

МНР: Навредливи се и провокативни изјавите на Демерџиев и Радуков за Михајлова – тоа е директно мешање во внатрешните работи на македонската држава!

На средбата, како што соопшти МНР на Република Македонија, било изразено незадоволство од неодамнешната изјава на министерот за внатрешни работи на Република Бугарија, Иван Демерџиев, во врска со случајот со Ива Михајлова, која беше оценета како навредлива и провокативна.

Поетот Никола Маџиров: Не е најболно тоа што победниците ја пишуваат историјата — туку тоа што тие ги тераат понижените да ја читаат

„Сведоци сме дека сите војни почнуваат со тргување на историите и митовите, а потоа почнуваат одземањата на личните приказни, веднаш штом ќе се исцртаат новите поствоени граници. Моите предци одлучиле да им биде одземен домот наместо личните приказни и така ме задолжија да се сеќавам без да мразам, да пишувам без да верувам во изделканите истории. Затоа што постојат личните приказни прераскажани од гласовите што не се составени од коски, туку од вистини кои не можат да се кремираат или да се изложат пред црвите на времето“, вели најуспешниот современ македонски поет, чија поезија стана препознатлив дел од модерната светска поетска сцена, без да мора читателот прво да знае многу за Македонија.

Дете (13) тепано брутално од 15 малолетници на плоштадот во скопско Влае и со метален предмет – скршени му се забите и нанесени сериозни повреди

Тринаесетгодишно дете било физички нападнато од група малолетници во скопската населба Влае, а според неофицијалните информации, нападот бил толку брутален што детето останало со сериозни повреди, меѓу кои и искршени заби. Според сведоштва, во тепањето бил употребен и метален предмет. Нападот се случил во саботата, на плоштадот „Делфина“, околу 00:30 часот. Според информациите што се […]

Огромното значење на „Македонскиот манифест“ на Бистришки за посебноста на македонскиот народ сега кога се прогласува дека е бугарски и воздухот, што го дише! (3)

Статијата на Васил Ивановски – Бистришки со наслов „Зошто сме ние, Македонците, одделна нација?“, објавена во 1934 година, е еден од најзначајните и најтемелните историски документи во 20 век за афирмација на македонскиот национален идентитет и за правилното и целосно решавање на македонското прашање во Балканот. Македонски историчари аргументираат дека е таа текст од клучно значење за македонскиот народ, исто како и „За македонцките работи“ на Крсте Мисирков.

Претседателе Филипче, до кога ќе се правиме дека сè е во ред?

Ако и по сите порази, предупредувања и разочарувања не сме подготвени искрено да се погледнеме во очи и да признаеме дека нешто сериозно не функционира, тогаш проблемот е многу подлабок од еден изборен резултат, реагира актуелниот координатор на СДСМ за општинските организации во третата изборна единица, Ацо Велковски
Сите вести од Македонија

Најнови вести

To top