Македонија

Антимигрантската петиција на СДСМ пропадна, доби само 2.125 потписи

За успех на петицијата против наводни мигранти од Велика Британија на „државотворците“ им недостигаа 47.875 потписи

2 минути за читање

Петицијата на СДСМ насловена „Одбрана на Македонија!“ и покрената на специјализираниот портал „Петиција.мк“ против наводната намера на Владата да дозволи прифаќање мигранти од Велика Британија заврши неуспешно поради недостиг од 47.875 потписи.

Петицијата на партијата што своевремено се претставуваше како „државотворна“ доби само 2.125 потписи од потребните 50.000.

„Ние, граѓаните, ја потпишуваме оваа петиција за одбрана на Македонија!

Го креваме гласот на народот, се мобилзираме за зачувување на стабилноста, безбедноста и иднината на нашата татковина.

Во релевантни британски медиуми се објавија детални информации дека власта води разговори Македонија да стане базна дестинација за враќање мигранти.

Овие информации отвораат сериозни прашања за нашата безбедност, иднина и демографска стабилност.

Европската статистика јасно покажува дека земјите кои воделе лоши политики за интеграција на мигранти се соочиле со: зголемено насилство, криминал, немири, конфликти во заедниците.

Дури и најразвиените држави во Европа, како една Германија, Британија, Шведска….со години едвај се справуваат со овој предизвик.

А како ќе се справи Македонија, држава со слаби, нефункционални и под партиска контрола институции? Никако.

Во исто време, Европската Унија ги заострува мерките за мигрантите со построги правила за добивање азил, и побрзи процедури за депортирање.

Дали ќе дозволиме отворање центри за мигранти во различни општини во Македонија?

Дали ќе дозволиме сценарија во кои илјадници мигранти ќе добиваат македонски пасоши?

Мора да кажеме гласно и одлучно: НЕ!

НЕ за мигрантски бази во Македонија. НЕ за опасни и антидржавни политики. НЕ за национално предавство, понижување и загрозување на безбедноста.

Со потпишување на оваа петиција помагаме во зачување на нашата татковина. Помагаме да ја зачуваме безбедноста и иднината на Македонија.

Време е за заедничка акција, да не чекаме мрачни сценарија да се остварат, ќе биде касно!

Делуваме сега!

Да ја обраниме Македонија!

Потпишувам!“, стои во текстот на петицијата на партијата на Венко Филипче.

Поврзани теми:

бегалци|актуелно|Македонија|СДСМ|Велика Британија|петиција

Повеќе на оваа тема:

Најнови вести од: Македонија

Министри заедно со градоначалници ќе го убедуваат УНЕСКО за зачувување на статусот на Охридскиото езеро

На средбите ќе бидат потенцирани цврстите заложби на Владата за зачувување на статусот на природното и културното наследство на Охридскиот Регион. Исто така, ќе биде истакнато дека државата воспоставува систем за заштита кој гарантира зачувување на интегритетот и автентичноста на Охридскиот Регион како исклучителна универзална вредност.

Протест нека има, но да не се попрачува работа на пратениците, порача спикерот Гаши

Пратениците утре сами да се снајдат како ќе дојдат на работа откако ССМ најави блокада пред законодавниот дом каде ќе ги испратат барањата за раст на платите. Собранискиот спикер Африм Гаши на брифинг со новинарите посочи дека правото на протест е загарантирано, но и дека народните избраници мораат да си ја работат својата работа, исто како и МВР кое е задолжено за безбедноста на сите.

Пратениците ќе треба пешки да дојдат на работа в Собрание – сите влезови ќе се блокирани

Преку блокада на Собранието утре работниците со уште една порака до пратениците – да го одблокираат законот за минимална плата кој стои заглавен повеќе до една година, а македонските семејства се повеќе тонат во сиромашттија.

„Одговорноста не застарува“, реагира на изјавата на Заев, Јане Ченто – осуден за „27 април“

Јане Ченто, осуден за настаните од 27 април, со остра реакција се осврна на денешната јавна изјава на Зоран Заев, оценувајќи дека таа претставува навреда за интелигенцијата на народот. Според Ченто, човекот кој, како што наведува, ја распарчил државата, денес зборува како да нема никаква одговорност за хаосот што го оставил зад себе.

Имал луксузно возило „Порше“ и без око да му трепне возел без дозвола

Како што соопшто МВР, ноќта кон неделата, околу 00:20 часот по полноќ на булеварот „Благоја Тоска“ во Тетово, полициски службеници од Полициската станица за безбедност на патниот сообраќај го лишиле од слобода 27-годишниот Р.И. од село Требош кој управувал луксузно возило „Порше“ без возачка дозвола.

Минчев: Tехничка влада уште за следните парламентарни избори, па се укинува

Измените на Законот за Влада, со кои се предвидува укинување на техничката, односно т.н. пржинска влада, се наоѓаат во завршна фаза. Предлог-законот ќе биде доставен од Министерството за јавна администрација до Владата, по што ќе следи собраниска расправа, изјави министерот за јавна администрација Горан Минчев во гостување во ТВ Сител.

МО: Случајот со шуга кај професионални војници не потекнува од касарната во Велес! Да не се нарушува угледот на Армијата на Македонија!

Во врска со неодамнешниот случај на заболени професионални војници од заразната болест шуга (scabies), од Министерството за одбрана на Република Македонија информираат дека болеста не потекнува од касарната „Алексо Демниевски Бауман“ во Велес, како што тоа се пласира во јавноста. Министерството апелира да не се злоупотребува поединечен случај, за кој се наведува дека не е заразен во касарната, заради манипулирање на јавноста, со што се нанесува и директна штета на угледот на Армијата на Република Македонија.

Ѓорѓиевски: Булеварот „Македонија“ ќе ја отвори вратата кон нашето современо и безбедно Скопје! (Видео)

„Засилено и со јасна визија се работи на првата фаза од булевар „Македонија“, проект што го менува ликот на градот и ја отвора вратата кон современо и функционално Скопје!“ – порача преку својот официјален фејсбук-профил градоначалникот на македонската метропола Орце Ѓорѓиевски.
Сите вести од Македонија

Најнови вести

To top