Македонија

Рамабаја до Трамп: Проширете ја акцијата и во Балканот, за да ја имаат и овдешните Мадуровци судбината како Мадуро од Венецуела!

„Од денес, ентузијастички настроени од акцијата на САД во Венецуела, почнаа молитви Мадуровците од Балканот, колку е можно поскоро, да ја имаат истата судбина како Мадуро од Венецуела. Ова би бил сигнал дека и нашиот регион ќе биде ослободен од истите автократи и диктатори. Мадуро во Албанија, од страв од својот пад, ги блокираше активностите на СПАК – истражно-криминалистичката агенција против корупцијата, попречувајќи ја борбата против криминалот. Албанскиот Мадуро ја трансформираше најубавата и најпрекрасната земја на Балканот во една од најкорумпираните земји во Европа. Албанците со демократска влада би имале најдобра благосостојба во регионот, додека всушност, под нивниот Мадуро, тие се најсиромашните во Европа. Мадуро во Србија покажува солидарност со Путин, Иран, Кина и го тероризира целиот регион, имитирајќи го и преземајќи ја улогата на Путин на Балканот.“ – истакнува косовскиот аналитичар Шериф Рамабаја во својата колумна, во која директно му се обраќа да „не ги заборави и Мадуровците од Балканот“!

2 минути за читање

„Претседателе Трамп, проширете ја вашата акција во Балканот! Овде почнаа молитви Мадуровците од Балканот, колку е можно поскоро, да ја имаат истата судбина како Мадуро од Венецуела. За да биде и нашиот регион ќе биде ослободен од истите автократи и диктатори!“ – му упатува апел Шериф Рамабаја на американскиот претседател Доналд Трамп преку својата сатирична колумна со наслов „Повик до Трамп: не заборавај ги Мадуровците од Балканот!“

Во колумната, што ја објави косовскиот весник „Бота сот“ Рамабаја пишува: Мадуро, кој од возач на автобус стана претседател на Венецуела, имаше одбројани денови. Тој живееше со својот сон за вечна моќ, слично на двајцата Мадуровци од Балканот. Но тој сон не му се исполни. Алчноста што не можеше да ја дозволи, му ги заслепи очите. Неговата кариера заврши, како што се очекуваше. Во текот на 13-те години колку што беше на власт, повеќе од 8 милиони луѓе ја напуштија Венецуела. Само овој факт зборува за неговата диктаторска личност.

Сегашниот страв е дека претседателот Трамп нема да застане тука, туку дека ќе се погрижи и за Мадуровците од Балканот. Барањата на регионот би биле операцијата да се прошири на Балканот. И тука има личности кои се идентификуваат со режимот на Мадуро од Венецуела: се однесуваат како него, размислуваат како него, дел се од криминалот како него, ја прошириле нарко-државата како него, на власт колку што е Мадуро од Венецуела,  народот бега од режимот на балканските Мадуровци продолжува на ист начин, тие победуваат на избори, исто како него, итн. итн.

Силна е причината зошто да го прошират САД своето дејствување и во Балканот. Ова е желбата на регионот, но останува голем прашалник дали е веројатно дека ќе се спроведе. Повиците за слична акција ќе се зголемуваат од ден на ден. Балканот исто така би сакал и на нивните Мадуровци да им бидат изброени деновите како на Мадуро на Венецуела. Сепак, овој случај, киднапирањето на Мадуро, не може да остане како ништо да не се случило. Сите Мадуровци, каде и да се, од денес па натаму, нема да можат да спијат мирно. Камбаните бијат и за нив. Ние би сакале да им бидат изброени деновите и на Мадуровците од Балканот. Претседателе Трамп, проширете ја вашата акција во Балканот! – наведува Шериф Рамабаја во својата колумна.

Поврзани теми:

Доналд Трамп|Мадуро од Венецуела|Мадуровци од Балканот|акција и во Балканот|актуелно

Повеќе на оваа тема:

Најнови вести од: Македонија

Аларм: Децата без око да им трепне си купуваат цигари како да се мастики

Ново истражување за употреба на тутун кај младите покажува системски недостатоци на повеќе нивоа – од висока достапност на цигарите во продавници и киосци, каде што основците меѓу шесто и деветто одделение можат да набават тутун без поголем проблем, па сѐ до висока изложеност на децата на чад внатре и околу училиштата.

Одложена седницата на работната група за реформи во изборното законодавство, материјалите не биле преведени на албански јазик

Денес не се одржа конститутивната седница на работната група за реформи во изборното законодавство, поради барањето на дел од албанските партии да бидат преведени материјалите.

Мисајловски: Службата на „Волците“ е симбол на непоколеблива решителност и врвна подготвеност, но и заклетва, чест и љубов кон Македонија!

„Специјалните сили ‘Волци’ се симбол на непоколеблива решителност и врвна подготвеност. Тие се први кога е најпотребно, најсилни кога е најтешко и најодлучни кога татковината бара сигурност и заштита. Со беспрекорна обученост, тимски дух и силно чувство за должност, секојдневно ја потврдуваат својата елитна позиција во македонската Армија. Вашата служба не е само професија, таа е заклетва, чест и љубов кон Македонија. Благодарение на вашата пожртвуваност, нашите граѓани се чувствуваат безбедно.“ – објави на својот фејсбук-профил министерот за одбрана на Република Македонија Владо Мисајловски.

Сиљановска-Давкова – Бегај: Нема поголема инвестиција во стабилноста на Западниот Балкан од членството во ЕУ

Јасно ни е, додава претседателката, дека во моментов она што е најважно во овој свет на неизвесност е обостраната приврзаност на европската меѓународна и безбедносна политика
Сите вести од Македонија

Најнови вести

To top