Министерката за енергетика Сања Божиновска се согласува дека е најдобро да биде домашна инвестиција, но нагласува дека станува збор за голема инвестиција и дека финансиските можности на Буџетот мора реално да се испитаат.
„Се согласувам дека е најдобро проектот да биде наш, но кога ќе го видиме Буџетот и капиталните инвестиции ќе видиме што е реално. Станува збор за над милијарда евра за пет години – што не е малку.
Мислам дека за еден или два месеца ќе имаме повеќе информации“, изјави Божиновска вчера по прес-конференцијата на која зборуваше за Годишниот план за изградба на енергетски проекти за оваа година.
Министерството за енергетика тврди дека има инвеститори заинтересирани за овој проект.