Новинарот Николај Крстев од Бугарија не очекува поранешниот македонски премиер Никола Груевски, да биде екстрадиран од Унгарија, и покрај промената на власта, бидејќи, според него, постојат докази за блиски врски меѓу експолитичарот и меѓународни лидери, што дополнително ја комплицирало ситуацијата.
Во интервју за Радио Пловдив, Крстев коментираше дека иако постојат очекувања за нов курс по владеењето на Виктор Орбан, враќањето на Груевски во Македонија останува малку веројатно. Според него, дури и не е сигурно каде се наоѓа во моментов некогашниот лидер на ВМРО-ДПМНЕ и долгогодишен претседател на Владата.
Новинарот, исто така, истакна дека промената на власта во Будимпешта може да доведе до поизбалансирана политика на Унгарија на Балканот и слабеење на нејзиното влијание врз медиумската средина во Македонија.