Наспроти фактот дека евроинтеграцијата на Македонија е заглавена поради условувањето од Бугарија со впишување на Бугарите во македонскиот Устав, новинарот Николај Крстев од Бугарската национална телевизија (БНТ) смета дека кочничарот, всушност, е – Србија.
„Тажно е што Македонија повторно се враќа во српскиот ареал на Балканот. Целта е РСМ да биде забавена на патот кон ЕУ, како и Црна Гора, т.е. ниту една друга поранешна југословенска република, покрај Хрватска (и Словенија), да не го стори тоа пред Србија. Таа нема да го направи тоа пред да се реши косововското прашање, а тоа нема да биде решено“, изјави за бугарското радио Фокус некогашниот дописник на БНР од Белград и од Москва.