Лидерот на ДУИ Али Ахмети имаше цели 13 години да спроведе операција за поништување една одлуката на Советот на Европа за формирање на Специјалниот суд кој ги гони злосторствата на косовската УЧК.
Ахмети од 2011 година кога е донесена Резолуцијата до 2024 година кога падна од важат имаше свој премиер во македонската влада, Талат Џафери, имаше и министер за надворешни работи, Бујар Османи.
Сите овие години на власт Ахмети не направи ништо а сега кога е во опозиција отиде во Приштина и бара Скопје да ја поништи одлуката на Советот на Европа.
,,Бараме претставниците на Република Албанија и Република С.Македонија, кои се во Советот на Европа, да побараат преиспитување на Резолуцијата на Советот на Европа од 2011 година, бидејќи досега од многу аспекти е докажано дека никогаш немало трговија со човечки органи од страна на УЧК на Косово, поради што беше лажно побарано формирање на Специјалниот суд“.
Ова завчера го изјави лидерот на ДУИ Али Ахмети на протестниот митинг во Приштина организиран од припадниците и поддржувачите на некогашната Ослободителна војска – УЧК на Косово против Специјалниот судски трибунал во Хаг.
Зошто Ахмети молчеше цели 13 години додека беше на власт а сега бара други да поведат постапка за укинување на Трибуналот знае само тој.
Пред да почне војна во Македонија Ахмети беше дел од военото раководство на УЧК на Косово.
Дел од набљудувачите тврдат дека и тој може да биде лично засегнат од работата на овој Трибунал