Македонија

Чучуљ: Ја поздравуваме секоја иницијатива за борба против корупцијата, ќе постапуваме секаде каде има основа

„Секогаш треба да се има предвид дека Државната комисија за спречување на корупцијата е превентивно тело и нашите капацитети се ограничени во врска со истрагата. Ние во нашиот дел секогаш постапуваме.“ – истакна новиот претседател на Антикорупциската комисија Адем Чучуљ во вечерашното гостување во централниот дневник на телевизија „Сител“ како одговор на повикот, што го упатија до него пред три дена „антикорупционерите“ од СДС „веднаш да се зафател со случајот“, за кој оваа партија тврди дека е „корупциски скандал тежок девет милиони евра, поврзан со власта“. Ставот на Чучуљ е и негово позиционирање во врска со најавите на опозициската СДС дека од утре ќе објавува „снимки за коруптивното работење на власта“.

2 минути за читање

„Ја поздравуваме секоја иницијатива било да е од политичка партија, здружение на граѓани, медиуми за борба против корупцијата. Ќе ги следиме сите јавни настапи било на медиумите, опозицијата или власта и секаде каде има основа за наше постапување, ќе постапуваме.“ – изјави Адем Чучуљ.

Во однос на тоа дали има потреба да се ревидираат предметите на претходната претседателка на ДКСК Чучуљ е на став дека нема потреба од такво нешто, затоа што сите одлуки на Комисијата се усвојувале на јавни седници и со мнозинство гласови. Околу распределбата на предметите, Чучуљ појаснува дека таа се врши по електронски пат и оти претседателот на Комисијата нема никакво влијание. Вели дека овој систем на распределба ќе го продолжи и тој како претседател.

– Сите одлуки на Комисијата се донесуваат на јавни седници согласно законот и истите се објавуваат на веб страницата. Сите одлуки се донесени и со мнозинство во мандатот на претходната претседателка така што во тој дел немам дилеми дека има простор за злоупотреба. Во однос на распределбата на предметите уште постеснено е влијанието на било кој во Комисијата од причина што согласно Деловникот за работа предметите се распределуваат електронски врз основа на приципот на ротација. Токму претходната претседателка го смени начинот на распределба на предметите во позитивна насока, не по азбучен ред како што беше, туку по случаен избор што значи системот ги распределува предметите, не постои никакво влијание на претседателот во тој однос, подвлече Чучуљ.

За неговиот избор за претседател на Комисијата и едногласната поддршка од сите пратеници, Чучуљ вели дека тоа го чувствува како морална и професионална одговорност да ја оправда довербата со работа. Тој најавува поголема транспарентост кон медиумите иако вели дека и досега Комисијата била транспарентна затоа што сите нејзини седници биле јавни и имало дел за прашања и предлози. Новина, како што најавува, ќе биде тоа што после една или две седници, Комисијата ќе свикува брифизи со новинарите, а во подготовка е и нова стратегија за основи со јавноста.

MИА

Поврзани теми:

актуелно|избор|ВМРО-ДПМНЕ|СДС|Антикорупциска комисија

Повеќе на оваа тема:

Најнови вести од: Македонија

Мицкоски: „Безбеден град“ почнува од 1 февруари – Во рамки на редовни средби со лидери на партии ќе се сретнам и со Ахметисо

Премиерот Христијан Мицкоски информира дека вчера во Собранието се одржал состанок на ниво на координаторите на пратеничките групи на ВМРО-ДПМНЕ и ДУИ во врска со законот за прекршоци и оти некои работи, кои биле нејасни за ДУИ, биле разјаснети поради што очекува тој да биде донесен на следната собраниска седница и „Безбеден град“ да почне непречено да се применува од 1 февруари. Мицкоски не прецизира кога би имал средба со претседателот на ДУИ, Али Ахмети, како што беше најавено по лидерската средба во средата, туку само изјави дека одржува средби со лидерите на повеќе политички партии и оти во тие рамки би се одржала и средбата со Ахмети.

Жител на Чучер Сандево се заканувал дека ќе ја запали сопругата и ќе ја убие со двете ќерки, му нашле автоматска пушка и над 70 куршуми

Осомничениот, на 13 јануари, во својот дом во Чучер Сандево, држел автомат STEN MKII кој им е целосно забранет на граѓаните, како и 71 куршум муниција со калибар 9 мм соодветна за испукување од тоа автоматско оружје.

Дваесет лица под истрага, осомничени дека му нанеле штета од 4,8 милиони евра на буџетот!

Под раководство на јавен обвинител од Основното јавно обвинителство за гонење на организиран криминал и корупција (ОЈО ГОКК) истражителите од Истражниот центар при обвинителството, со асистенција на МВР, вчера до доцните вечерни часови вршеа претреси на 16 локации низ државата. При претресите се пронајдени и времено одземени фиктивна документација, парични средства, оружје и лажни печати од правни лица, а осомничените лица се обезбедени.

Колективна оставка на раководството на АА на „вртикапецот“ Таравари, кој сега вели: Немаме ништо заедничко со ДУИ и Ахмети!

Арбен Таравари лани за ДУИ имаше кажано дека се „рак за општеството“ и оти им треба ресетирање“.Алијанса за Албанците се подели на два дела, токму поради несогласувањата за соработка со ДУИ. Таравари го сметаше како „предавство“ чекорот на Зијадин Села да се здружи со ДУИ. Но во почетокот на мај во 2025 година Таравари поднесе оставка од позицијата министер за здравство и заедно со неговото крило во АА излезе од Владата и премина на страната на Али Ахмети и ДУИ и со нив започна соработка како опозиција, настапувајќи заенички на локалните избори со катастрофален резултат. Арбен Таравари во 2023 година имаше кажано дека „Али Ахмети има вистински здравствени проблеми и треба да отиде поскоро во пензија“, во 2025 година имаше неколкумесечни тајни преговарања со истиот Ахмети заради стапување во „опозициски брак“, а сега во оваа 2026 година пак „ја врти капата“ и изјавува категорично „немаме ништо заедничко со ДУИ, ништо, имаме своја стратегија“!
Сите вести од Македонија

Најнови вести

To top