Кандидатот за градоначалник на Град Скопје и актуелен прв човек на Општина Кисела Вода, Орце Ѓорѓиевски денеска се сретна со дел од колегите од скопските општини.
-Со пријателско кафе и искрен разговор со моите драги колеги и пријатели, го продолжуваме патот што го започнавме пред четири години – пат на работа, посветеност и верба за подобро утре за нашиот народ. Скопје нѐ чека! Го чека обнова. Го чека напорна работа, одлучност и луѓе кои нема да се штедат за неговата иднина. Време е да му го вратиме достоинството на нашиот главен град. Ние сме подготвени!, објави Ѓорѓиевски.
Додаде дека ќе го водат Скопје со чест, со љубов, исправени и со чист образ.
– Да покажеме дека Скопје знае, може и мора подобро! Скопјани заслужуваат, вели Ѓорѓиевски.