Денеска во Република Македонија времето ќе биде променливо облачно со повремени локални врнежи од дожд. Ќе дува умерен, на места повремено засилен ветер од јужен правец.
Минималните температури ќе се движат од 7 до 11 степени, а максималните ќе достигнат од 11 до 14 степени Целзиусови.
Во Скопје се очекува променливо облачно време со услови за повремен дожд. Ќе дува умерен јужен ветер. Минималната температура ќе биде околу 9 степени, а максималната до 13 степени.
Во среда се најавуваат врнежи од дожд, локално пообилни (над 25 л/м²), особено попладне и во текот на ноќта, кога во западните делови ќе преминуваат во снег. Ќе дува засилен јужен ветер со брзина над 60 км/ч.
Поради продор на постуден воздух и засилен северен ветер, во четврток врнежите ќе бидат претежно од снег, со формирање на нова снежна покривка во западните делови.
Во петок се очекува преодно стабилизирање на времето, додека во деновите од викендот повторно ќе има локални врнежи од дожд и снег.