Македонија

Димитриеска-Кочоска: Нема простор за паника, нафтени деривати има доволно – инспекторите се на терен

Оваа реакција доаѓа во контекст на зголемена загриженост поради глобалните тензии во Персискиот Залив и можните индиректни ефекти врз увозот на нафта во регионот, иако засега нема индикации за директно нарушување на снабдувањето во Македонија.

2 минути за читање

Министерката за финансии, Гордана Димитриеска-Кочоска, денеска упати јасен апел до граѓаните да не подлегнуваат на паника и на вештачки создадени кризи околу снабдувањето со горива.

Таа потврди дека по вчерашниот состанок со сите нафтени компании во земјава, е констатирано дека залихите се доволни, а снабдувањето со нафта и деривати е апсолутно стабилно.

„Ниту една компанија не пријави проблем со количините на нафта. Залихите постојат, транспортот функционира нормално, а пазарот е обезбеден“, истакна министерката.

За да се спречат евентуални злоупотреби и вештачки поскапувања, Државниот пазарен инспекторат во текот на само едно деноноќие изврши контроли на над 100 бензински станици низ целата земја. Инспекторите проверуваа залихи, документација и цени на лице место.

Министерството за финансии располага со флексибилни механизми за реакција во случај на неоправдано голем пораст на цените. Како што нагласи Димитриеска-Кочоска, акцизата може да се намали за 1, 2 или 4 денари по литар во зависност од ситуацијата на пазарот.

Следната одлука за малопродажните цени на горивата ќе ја донесе Регулаторната комисија за енергетика и водни услуги како независно тело, а таа се очекува на почетокот на следната недела, според редовниот двонеделен циклус.

Министерката апелираше граѓаните да не се водат од гласини и шпекулации, туку да се потпрат на официјалните информации и да купуваат гориво нормално, без создавање вештачки недостиг.

Оваа реакција доаѓа во контекст на зголемена загриженост поради глобалните тензии во Персискиот Залив и можните индиректни ефекти врз увозот на нафта во регионот, иако засега нема индикации за директно нарушување на снабдувањето во Македонија.

Поврзани теми:

Гордана Димитриеска Кочоска|актуелно|криза|гориво|деривати|Министерката за финансии

Повеќе на оваа тема:

Најнови вести од: Македонија

Владата очекува горивата да поевтинат за 1,5 денар за литар

Согласно пресметките, се очекува дека Регулаторна комисија за енергетика ќе донесе одлука со која ќе се изврши дополнително намалување на малопродажните цени на нафтените деривати во просек за околу 1,5 денар по литар, соопшти Владата.

„Н.М“: Секоја грчка влада го попречуваше македонскиот пат кон ЕУ, давајќи пример како се тргува со европските вредности! – Сега тоа го прави Бугарија!

„Кога во јуни 2003 година на самитот на ЕУ и Западниот Балкан беше усвоена ‘Солунската агенда’, никој не претпоставуваше дека токму на тој собир, наместо отворање на вратите, ќе биде запечатена европската судбина на земјите од регионот. Освен Бугарија и Романија, кои влегоа со политичка одлука во 2007 година, како и Хрватска, која послужи како доказ дека процесот е наводно жив, ниедна друга земја не стана дел од ЕУ безмалку 20 години. Значителен дел од вината за оваа непроменета ситуација ја сносат токму создавачите на ‘Солунската агенда’. Грција со години ја блокираше Македонија, користејќи го спорот за името како инструмент за кочење, со што на другите членки на ЕУ им го ‘сервираше’ најопасното оружје: ветото како алатка за билатерални уцени. Сега, повторно официјална Атина се повикува на ‘Солунската агенда’“, обидувајќи се да се наметне како лидер на процесот што самата го минираше.“ – ова се нагласува во анализата со наслов „Оригиналниот ‘тројански коњ’ во евроинтеграциите е всушност – грчкиот“.

Скопскиот аеродром лидер во регионот со раст од 32%, од Владата очекуваат над 3,5 милиони патници годинава

Вицепремиерот вели дека оваа година се очекува да се надмине бројот од 3,5 милиони патници, а во следната година да достигне и до 4 милиони патници, што е резултат на актуелниот модел на привлекување на авиолинии.

„Вреди“: Џабе се „крокодилските солзи“, Џафери го запечати исклучувањето на албанскиот јазик од правосудниот испит! – Ќе го решиме проблемот

„ДУИ, која повеќе од 20 години имаше 5 министри за правда од своите редови, никогаш не го реши овој проблем: го изгласаа Законот за правосудниот испит, оставајќи денес стотици албански студенти да ги трпат последиците од една двојна неправда. Документот од 27 август 2019 година, потпишан од Талат Џафери, е јасен доказ дека проблемот околу полагањето на правосудниот испит не е случајност, туку последица на негрижа и политичко предавство.“ – соопшти коалицијата Вреди.

На денешен ден фашистичка Бугарија ја окупира Македонија, а денес и лидерот на Костадинов од „Преродба“ ја повторува истата теза од 1941 за „Македонија – втора бугарска држава на Балканот“!

На денешен ден, на 18 април 1941 година Бугарија со „благослов“ од фашистичкиот водач на Германија Адолф Хитлер Хитлер ја започна окупацијата на Македонија! На овој датум со одборение на Хитлеровата врховна команда единиците на Петтата бугарска армија, со Шестата и со Седмата пешадиска дивизија, ја започнаа воената окупација на Македонија. Бугарија настојува овој настан од нејзината историја наместо фашистичка окупација да го прикаже како „администрирање со Македонија“. Дали е случајно, или не, тоа што Костадин Костадинов, лидерот на бугарската крајнодесничарска партија „Преродба“ (Възраждане) вчера, на 17 април 2026 година, на еден ден пред 85-тата годишнина од почетокот на бугарската фашистичка окупација на Македонија, ја означи Македонија како „втора бугарска држава“ на Балканот, изнесувајќи ја заложбата на неговата партија за „интеграција на двете бугарски државни формации во една“?! Костадинов во предизборната програма негова и на неговата партија активно ја промовира скандалозната идеја за „обединување на Бугарија и Македонија“ – истата цел, поради која и Бугарија во Вората светска војна како фашистичка држава – членка на Хитлеровата нацистичка коалиција влегува на територијата на Македонија и ја окупира, под изговор дека „доаѓа да ја ослободи и да ја обедини кон мајка Бугарија“!

.

„Плус инфо“: Филипче е пак „уфилман“, го следел „приватен Мосад“! СДСМ тврди дека ВМРО-ДПМНЕ „ангажирала разузнавачка компанија за следење на опозицијата“!

„Станува збор за Black Cube, израелска приватна разузнавачка компанија, позната по следење, собирање информации, провокации и фабрикување афери против политички цели.“ – тврди СДСМ.
Сите вести од Македонија

Најнови вести

To top