Изјавата на Димитриевски доаѓа откако министерот за правда Игор Филков изјави дека Бадентеровото правило се злоупотребува и дека можеби е време за негово преиспитување.
„Изјавата на министерот Филков се однесува исклучиво на функционалноста на Бадентеровото правило. За нас како политички субјект,
Рамковниот договор е завршена работа и е целосно исполнет и имплементиран.
Но, факт е дека во одредени моменти Бадентеровото правило ја доведува во прашање функционалноста на државата и потврда за ова ќе имаме по завршувањето на локалните избори“, рече Димитриевски.
Тој подвлече дека партијата го поддржува Охридскиот рамковен договор, но Бадентеровото правило како механизам се злоупотребува.