Демократската унија за интеграција реагирашеоколу Законот за фер и соодветна застапеност, обвинувајќи ја коалицијата ВРЕДИ дека предложила законско решение кое, според партијата, не гарантира фер застапеност на Албанците во државните институции.
Според нив, ВРЕДИ влегла во Владата „без етнички легитимитет“ и ја обвинува дека повеќе од две години го претставувала законот како историско достигнување, додека според неа, предложената верзија не содржи механизми што би обезбедиле спроведување на фер и соодветна застапеност.
Според ДУИ, законот е донесен без етнички квоти, без институционални механизми за негово спроведување и без санкции за прекршителите, додавајќи дека таквото решение не нуди реални гаранции за заштита на правата на Албанците.
Опозициската партија, исто така, тврди дека предлог-законот не го обезбедил потребното мнозинство според Бадентеровиот принцип во Собранието и дека тоа, според неа, докажува недостаток на поддршка од пратениците Албанци.
„ДУИ го блокираше овој обид за легализирање на кршењето на правата на Албанците и ќе го блокира секој пат кога ќе има обид за спакување на дискриминацијата како закон“, се наведува во одговорот на партијата.
Конечно, ДУИ нагласува дека ќе продолжи да ги штити колективните права на Албанците и спроведувањето на уставните стандарди, повикувајќи се и на принципите на Охридскиот договор.