Кај двајца македонски државјани – едниот од Куманово, другиот од Скопсје – е дијагностицирана маларија во февруари по завршувањето на патувањата во Занзибар и во Сиера Леоне.
Пациентите, на возраст меѓу 40 и 60 години, беа лекувани во болнички услови и моментално се во добра општа состојба, што укажува дека инфекцијата е препознаена на време.
Министерството за здравство нагласува дека овие случаи не укажуваат за локално ширење на маларија, но претставуваат јасно предупредување дека патувањето во африканските и во други ендемски подрачја носи здравствени ризици што не треба да се потценуваат.
Маларијата се пренесува преку убод од заразен комарец, а првите симптоми се појавуваат 10 до 15 дена по инфекцијата. Треска и главоболки се најчестите симптоми, а без навремен третман болката може да се претвори во тешка и опасна, животозагрозувачка состојба.