„Двајца загинаа, а петмина здобија повреди при претекнување и судар на два автомобила кои се движеле во иста насока.“ – соопштија вчеравечер, на 4 ноември 2025 година од Јавното обвинителство во врска со тешката сообраќајна несреќа, која се случи на патот Прилеп – Росоман во близина на селото Радобил.
„Дежурен јавен обвинител од Основното јавно обвинителство од Прилеп вечерва изврши увид на местото на настанот. Според првичните сознанија, до несреќата дошло при претекнување и судар на два автомобили, кои се движеле во иста насока. Во несреќата две лица го загубија животот, меѓу кои и возачот на едниот автомобил. Петмина се повредени.“ – известија од Обвинителството.
Јавниот обвинител издал наредби за прибирање траги од местото на трагедијата. Ќе биде наредено да се спроведе сообраќајно и машинско вештачење на автомобилите.