Македонија

ЕСМ летово ќе обезбеди електрична енергија за претстојната грејна сезона по прифатливи цени

АД ЕСМ летово ќе обезбеди електрична енергија за претстојната грејна сезона по прифатливи цени – стратешки чекор за одговорно финансиско управување и енергетска безбедност

2 минути за читање

Во пресрет на грејната сезона, АД ЕСМ презема проактивни чекори за да обезбеди стабилно и поевтино снабдување со електрична енергијa. Компанијата летово стратешки ќе набави, односно ќе резервира енергија за ноември и декември по значително поповолни цени од оние што се очекуваат кон крајот на годината. Целта е однапред да се обезбеди електрична енергија за периодот кога цените на енергетските берзи за четвртиот квартал се на прифатливо ниво.

Цените на енергентите секојдневно флуктуираат под силното влијание на геополитичките и глобалните настани. Со предвременото обезбедување на дел од количините, очекуваме поповолни и попредвидливи цени, заштитувајќи се од потенцијални нагли поскапувања и непредвидени околности, зголемен конзум, пред и во текот на зимскиот период. Оваа стратешка одлука е дел од нашата посветеност на одговорно финансиско управување и обезбедување енергетска сигурност.

Дополнително, целиот вишок електрична енергија произведена од АД ЕСМ ќе продолжи да се продава по пазарни цени на Македонската берза на електрична енергија (МЕМО) на дневна основа. Ова ни овозможува да го оптимизираме нашето производство , да ги искористиме пазарните можности и да придонесеме за ликвидноста и стабилноста на домашниот енергетски пазар.

Во тек се анализи за да се обезбеди електрична енергија по истиот принцип и за зимските месеци јануари и февруари 2026 година, кога се очекува најголемата потрошувачка за грејната сезона 2025/2026.

Поврзани теми:

ЕСМ|грејна сезона

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.
Сите вести од Македонија

Најнови вести

To top