Македонија

ЕВН Македонија и „Мако Сигре“ со заедничка визија за енергетска иднина

„13 советување на Мако Сигре“ во Охрид

2 минути за читање

ЕВН Македонија продолжува со силна поддршка на меѓународното здружение „Мако Сигре“. Највисоките претставници и инженери од компанијата годинава присуствуваа на „13 советување на Мако Сигре“ во Охрид, важен настан за електроенергетскиот сектор во земјава, кој ги собира учеснците со цел размена на идеи, иновации и практични решенија.

Настанот со свечен говор го отвори Министерката за енергетика, рударство и минерални суровини, Сања Божиновска која ја нагласи важноста на советувањето, како каде се дебатираат најновите реформи и достигнувања во енергетиката.

„Во време на темелни промени – декарбонизација, дигитализација, децентрализација и интеграција на пазари – вакви форуми се од непроценлива важност. Нека ова советување биде почеток на нови иницијативи, засилени проекти и трајна координација меѓу сите чинители“, додаде таа.

На отворањето се обрати претседателот на Управниот одбор на ЕВН Македонија, Волфганг Маиер: „Модернизацијата на дистрибутивната мрежа денес е повеќе од инфраструктурен предизвик – таа бара и иновативен пристап кон растечката интеграција на обновливи извори на енергија и складирање преку големи батериски системи (BESS). Нашата посветеност се протега и надвор од инфраструктурата. Секојдневно работиме за подобрување на услугите кон нашите корисници, со целосна фокусираност на дигитализацијата и иновациите.“

Претседателот на „Мако Сигре“, здружение кое 30 години делува на полето на електроенергетиката, Сашо Салтировски, по повод отворањето на настанот рече:

„Денес стоиме на историска раскрсница. Во целиот свет, енергетската транзиција повеќе не е далечна амбиција, таа е денешна нужност. Начинот на кој произведуваме, испорачуваме и користиме електрична енергија се трансформира со невидена брзина. Од обновливи извори и електрична мобилност до дигитални технологии и децентрализирани енергетски системи. Иднината на енергијата се обликува пред нашите очи.“

Околу 70 вработени од компанијата зедоа активно учество, презентирајќи стручни трудови од областа на енергетиката пред студиските комитети.

На настанот учествуваа високи претставници од министерката во Министерство за енергетика, рударство и минерални суровини, Регулаторната комисија за енергетика, ЕВН Македонија, Електродистрибуција, МЕПСО, ЕСМ и голем број други компании од енергетскиот сектор.

 

Поврзани теми:

актуелно|ЕВН|бизнис|советување|идеи|развивање

Повеќе на оваа тема:

Најнови вести од: Македонија

(Фото): Македонските државјани кои се во Мексико итно да ја напуштат државата поради немирите

Министерството за внатрешни работи ги повика македонските граѓани кои се наоѓаат во Мексико да ја напуштат државата поради влошената безбедносна состојба. Од МНР препорачуваат одложување на сите патувања кон Мексико кои не се од итен и неопходен карактер.

Повторно лажна паника – Аларм за дојави на бомби во училиштата

Лажната дојава за бомба е пријавена во 10 училишта во Тетово – четири средни и шест основни – поради што наставата не се одржа во ниту едно училиште во градот. Во меѓувреме, Секторот за образование во Тетово бара одговорност од надлежните органи за испраќањето на овие дојави и за безбедноста на учениците.

Законот за пушење: Терасите на локалите да бидат отворени од две, наместо од три страни

По денешната средба во Владата помеѓу владини претставници и луѓе од Туристичко-угостителската комора, договорено е терасите, односно летните бавчи на рестораните и кафе-баровите да мора да бидат отворени само од две страни, наместо првично предложените три страни, велат од секторот.

Кавадарци ќе го претвора винскиот отпад во нови производи

Преку Фондот за градски експерименти и процесот на зелена и дигитална трансформација, Кавадарци ќе прави чекор напред кон претворање на винскиот отпад во нови производи, развој на циркуларна економија и градење современа еко-туристичка понуда која ги поврзува винариите, културните знаменитости и локалните стопанства.

Нови можности за локалниот бизнис – Шведско-македонската стопанска комора отвора канцеларија во Скопје

Преку проекти за унапредување на локалната бизнис клима, Општината активно работи на подобрување на инфраструктурата, модернизација на административните услуги и директна поддршка на малите и средни претпријатија. Целта е да се унапредат условите за поефикасно водење бизнис, зголемена конкурентност и привлекување на нови инвестиции, кои ќе резултираат со нови работни места и одржлива локална економија.

ДУИ бара „правична и непристрасна постапка“ за Груби, ВМРО ДПМНЕ посочува дека ќе одговара за сите милиони евра, кои ги украл!

ДУИ „позитивно ја оценува одлуката на Артан Груби, да се врати во земјата“, оценувајќи дека „со тоа се создава можност да се изнесат сите аргументи и да се разјаснат прашањата преку транспарентна, правична и непристрасна постапка“. ВМРО ДПМНЕ денес реагираше по апсењето на Артан Груби: „Тој важи како  олицетворение на криминалот и корупцијата предводена од СДС и ДУИ, и конечно ќе се соочи со правдата. Криминалот на бегалецот од правдата Груби достигна над 8 милиони евра. Има укажувања дека оваа сума може да надмине десетици милиони евра, украдени од граѓаните. Дополнителен криминал на Груби заедно со неговиот другар Бајрами, тогашен директор на Државната лотарија, освен што местеле милионски тендери, е и исплаќање аванси на деловни соработници. За целиот овој милионски криминал на Груби знаеше и СДС, но само за да не му пропадне коалицијата и да му потрае власта, молчеше и го одобруваше, со што стана соучесник. Груби крадеше, СДС молчеше и одобруваше. Сега е време на одговорност.“
Сите вести од Македонија

Најнови вести

To top